ພວກພະນັກງານຊ່ອຍເຫຼືອ ສະຫະລັດ 10 ຄົນທີ່ອາດໄດ້ຕິດ
ເຊື້ອໄວຣັສອີໂບລາໃນ Sierra Leone ກຳລັງຖືກອົບພະຍົບ
ກັບຄືນມາຍັງສະຫະລັດ.
ບັນດາເຈົ້າໜ້າທີ່ສະຫະລັດ ກ່າວໃນວັນເສົາວານນີ້ວ່າ ພວກ
ບຸກຄົນເຫຼົ່ານີ້ຈະຖືກນຳໄປຮັກສາໂຕທີ່ສູນການແພດມະຫາ
ວິທະຍາໄລລັດ Nebraska ແລະສະຖາບັນສຸຂະພາບແຫ່ງ
ຊາດ ໃນລັດ Maryland ຫຼືທີ່ໂຮງໝໍ Emory University
ໃນນະຄອນແອັດແລນຕາ ລັດ Georgia ຊຶ່ງ ທັງ 3 ແຫ່ງນີ້
ເຄີຍທຳການປິ່ນປົວ ພວກຄົນໄຂ້ທີ່ຕິດເຊື້ອໄວຣັສນີ້ມາແລ້ວ.
ໃນວັນສຸກຜ່ານມານີ້ ພະນັກງານຊ່ອຍເຫຼືອສະຫະລັດຄົນນຶ່ງທີ່ຖືກກວດເຫັນວ່າຕິດເຊື້ອໄວຣັສດັ່ງກ່າວ ໃນຂະນະທີ່ເຮັດວຽກທີ່ Sierra Leone ໄດ້ເດີນທາງມາຮອດສະຖາບັນສຸຂະພາບແຫ່ງຊາດ ຫຼື NIH ເພື່ອຮັບການປິ່ນປົວ.
ໃນບັນດາພະນັກງານຊ່ອຍເຫຼືອ 10 ຄົນນີ້ ຍັງບໍ່ມີຜູ້ໃດສະແດງອາການຂອງການຕິດ
ເຊື້ອໄວຣັສອີໂບລາ.
ເຊື້ອໄວຣັສທີ່ອັນຕະລາຍເຖິງຕາຍນີ້ ໄດ້ເອົາຊີວິດຜູ້ຄົນໄປແລ້ວ ປະມານ 10 ພັນຄົນ
ໃນ ບັນດາປະເທດໃນອາຟຣິກາຕາເວັນຕົກ ອັນມີ Sierra Leone, ໄລບີເຣຍ ແລະກີນີ. ຢ່າງໜ້ອຍມີ 24 ພັນ 340ຄົນ ໄດ້ຕິດເຊື້ອອີໂບລາ ນັບແຕ່ເຊື້ອພະຍາດດັ່ງກ່າວໄດ້ເລີ້ມລະບາດຂຶ້ນໃນອາຟຣິກາຕາເວັນ ຕົກ ໃນເດືອນທັນວາປີ 2013 ເປັນຕົ້ນມາ.
ວີດີໂອ: ອາທິດແລ້ວນີ້ ແມ່ນສັບປະດາລະນຶກເຖິງພວກເສຍຊີວິດ ຍ້ອນອີໂບລາ ຢູ່ປະເທດໄລບີເຣຍ: