ລິ້ງ ສຳຫລັບເຂົ້າຫາ

ສະຫະລັດ ສະເຫຼີມສະຫຼອງ ວັນ​ເອ​ກະລາດ​ ທີ 4 ກໍລະກົດ (ວີດີໂອ/ສະໄລດ໌)


ສະ​ຫະລັດສະ​ເຫຼີ​ມສະຫຼອງ​ວັນ​ເອ​ກະລາດ​ໃນ​ວັນ​ພະຫັດ​ມື້​ນີ້.

ວັນ​ທີ 4 ກໍລະກົດ​ມື້​ນີ້​ ​ແມ່ນຄົບຮອບ 237 ປີ ທີ່​ສະຫະລັດ​ອາ​ເມ
ຣິກາ​ໄດ້​ປະກາດ​ໂຕ ​ເປັນ​ເອ​ກະລາດ​ຈາກ​ການ​ປົກຄອງ​ຂອງ
ອັງກິດຕາມ​ປະ​ເພນີ​ແລ້ວ ຊາວ​ອາ​ເມຣິກັນສະ​ເຫຼີ​ມສະຫຼອງ
ວັນ​ດັ່ງກ່າວ​ນີ້ ໂດຍ​ການ​ຈັດ​ງານ​ສວນສະໜາມ​ແລະ​ຂະ​ບວນ
ແຫ່ຕ່າງໆ ກິນ​ເຂົ້າ​ປ່າ ປິກ​ນິກສາມັກ​ຄີຈູດ​ບັ້ງ​ໄຟ​ດອກຫຼິ້ນ​ກິລາ
​ແລະ​ງານ​ສະ​ແດງ​ດົນຕີ. ການ​ຕົກ​ແຕ່ງ​ເອ້ຍ້ອງ​ໃນວັນທີ 4
ກໍລະກົດ​ນີ້​ແມ່ນ​ຈະ​ຈັດ​ ຕາມສີຂອງ​ທຸງຊາດ​ອາ​ເມຣິກາ ​ຄື
​ແດງ ຂາວ ​ແລະ ຟ້າ.

​ໃນວັນ​ພະຫັດ​ມື້​ນີ້ ​ອະນຸສາ​ວະລີເທ​ພີແຫ່ງ​ເສລີພາບ ທີ່​ຕັ້ງ​ຢູ່​ທີ່ເກາະນ້ອຍໆໃນ​ນະຄອນ
​ນິວຢອກຊຶ່ງ​ທົ່ວ​ໂລກຖື​ວ່າ​ເປັນ​ສັນຍາ​ລັກຂອງ​ເສ​ລີ​ພາບ​ແລະປະຊາທິປະ​ໄຕນັ້ນ ​ຈະ​ເປີດ
ໃຫ້​ນັກ​ທ່ອງ​ທ່ຽວ​ຈາກ​ທົ່ວ​ໂລກ​ເຂົ້າ​ຊົມເປັນ​ຄັ້ງ​ທໍາ​ອິດ ຫຼັງ​ຈາກ​ທີ່​ພາຍຸ​ເຮີຣີ​ເຄນ Sandy
ພັດ​ເຂົ້າ​ປະ​ທະ ​ນະຄອນນິວຢອກ​ໃນ​ປີ​ກາຍ​ນີ້. ຮູບ​ປັ້ນເທພີ​ແຫ່ງ​ເສລີພາບ ທີ່​ສູງ 93 ​ແມັດ
ນັ້ນ​ ບໍ່​ໄດ້​ຮັບ​ຄວາມ​ເສຍຫາຍຈາກ​ພາຍຸ​ດັ່ງກ່າວ ​ແຕ່​ເກາະ​ນ້ອຍບ່ອນ​ທີ່​ເທ​ພີແຫ່ງ​ເສລີພາບ
ຕັ້ງ​ຢູ່​ນັ້ນ ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ. ພະນັກງານ​ກໍ່ສ້າງຈໍານວນ​ນັບ​ພັນ​ຄົນ​ໄດ້​ພາກັນ
​ເຮັດ​ວຽກ​ຢ່າງ​ໜັກ ​ເພື່ອ​ຊ່ອມ​ແປງ​ໃຫ້​ກັບ​ຄືນ​ສູ່​ສະພາບ​ເດີມ ​ໃຫ້​ທັນ​ກັບ​ການສະຫຼລອງ​
ວັນຊາດ​ໃນ​ມື້​ນີ້ ຊຶ່ງ​ຈະ​ມີ​ການ​ຍິງ​ບັ້ງ​ໄຟ​ດອກ​ອັນ​ສວຍ​ງານ ຂຶ້ນ​ສູ່​ທ້ອງຟ້າ​ເໜືອ​ເທພີ​ແຫ່ງ​
ເສລີພາບ​ນັ້ນ.

ປະມວນພາບຈາກການສະເຫຼີມສະຫຼອງ ເມື່ອປີ 2012:


ທີ່ກຸງ​ວໍ​ຊິງ​ຕັນ ການສະ​ເຫຼີມ​ສະຫຼອງ ​ວັນທີ 4 ກໍລະກົດ ​ ປະ​ຈໍາປີ ແມ່ນ​ຈັດ​ຂຶ້ນ​ຢູ່​ໃນ​ໃຈກາງ​
ຂອງ​ນະຄອນຫຼວງ ​ໃນ​ບໍລິ​ເວນ​ສະໜາມຫຼວງ​ແຫ່ງ​ຊາດ ຫຼື National Mall. ປີ​ນີ້ ນັກ​ຮ້ອງ/
ນັກ​ແຕ່ງ​ເພງຊື່​ດັງ Barry Manilow ຈະ​ເປັນ​ນັກສະ​ແດງ​ຕົວ​ເດ່​ນທີ່​ມາ​ໃຫ້​ຄວາມ​ບັນ​ເທິງ​
ແກ່​ຝຸງ​ຊົນ ​ທີ່​ມາ​ຮ່ວມໃນ​ການ​ສະຫຼອງມື້​ນີ້ ຊຶ່ງ​ຫຼັງຈາກ​ເສັດ​ສິ້ນການສະ​ແດງ​ດົນຕີ​ແລ້ວ ​
ບັ້ງ​ໄຟ​ດອກ​ຈະສົ່ງ​ແສງ​ສີ​ຮຸ່ງແຈ້ງ ສະຫວ່າງ​ສະ​ໄຫວ ໄປ​ທົ່ວ​ທ້ອງຟ້າ​ກຸງ​ວໍ​ຊິງ​ຕັນ.

Declaration of Independence ຫຼື ຄໍາ​ປະກາດ​ເອກະລາດ ຂອງ​ສະຫະລັດ ທີ່ທ່ານ
Thomas Jefferson ​ໄດ້ຮ່າງ​ຂຶ້ນ​ມາ​ ​ໃນ​ເດືອນມິຖຸນາ ປີ 1776 ນັ້ນ ​ແມ່ນ​ເປັນ​ສັນຍາ​ລັກ
​ຂອງ​ອິດ​ສະລະ​ພາບ ທີ່​ປະຊາຊົນ​ອາ​ເມຣິກັນ​ຖະໜຸຖະໜອມ​ເປັນ​ທີ່​ສຸດ. ລັດຖະສະພາ
ຂອງ​ປະ​ເທດ​ໃໝ່ ທີ່​ເອີ້ນ​ວ່າ the Continental Congress​ ໄດ້​ຮັບເອົາຮ່າງເອກະສານ​
ດັ່ງກ່າວ​ ຢ່າງ​ເປັນ​ທາງ​ການ ບໍ່​ເທົ່າ​ໃດອາທິດຕໍ່​ມາ​ ໃນວັນທີ 4 ກໍລະກົດ.

ວັນສະຫຼອງຄົບຮອບວັນເອກະລາດ ເປັນໂອກາດທີ່ສະຫະລັດຕ້ອນຮັບເອົາ
ພົນລະເມືອງໃໝ່ຂອງປະເທດ:


XS
SM
MD
LG