ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ນັກຂ່າວ Al-Jazeera ລໍຖ້າ ອຸທອນຄະດີ ຢູ່ສານອີຈິບ ຫຼັງຈາກຈຳຄຸກມາ 1 ປີ


ນາຍ Baher Mohamed(ຊ້າຍ), ນາຍ Mohammed Fahmy(ກາງ) ແລະນາຍ Peter Greste(ຂວາ) ໄປປາກົດໂຕ ຢູ່ສານ ໃນລະຫວ່າງການດຳເນີນຄະດີເຂົາເຈົ້າ ທີ່ໄຄໂຣ, ອີຈິບ, ເມື່ອວັນທີ 31 ມີນາ 2014.
ນາຍ Baher Mohamed(ຊ້າຍ), ນາຍ Mohammed Fahmy(ກາງ) ແລະນາຍ Peter Greste(ຂວາ) ໄປປາກົດໂຕ ຢູ່ສານ ໃນລະຫວ່າງການດຳເນີນຄະດີເຂົາເຈົ້າ ທີ່ໄຄໂຣ, ອີຈິບ, ເມື່ອວັນທີ 31 ມີນາ 2014.

ພວກ​ນັກ​ຂ່າວ 3 ຄົນ​ຂອງ​ອົງການ​ຂ່າວ Al-Jazeera ​ທີ່ໄດ້​ຮັບ​
ໃຊ້​ໂທດ​ມາ​ເປັນ​ເວລາ 1 ປີ​ເຕັມ ​ໃນ​ວັນ​ຈັນ​ມື້​ນີ້ ນັບ​ແຕ່​ພວກ​ເຂົາ
​ເຈົ້າ​ໄດ້​ຖືກ​ຈັບ​ຢູ່​ອີ​ຈິບ ​ໃນ​ຂໍ້​ຫາ​ຖານ​ໃຫ້ການ​ສະໜັບສະໜຸນ
​ພັກພະລາດອນພາບ ​ທີ່​ຜິດ​ກົດໝາຍນັ້ນ ພາກັນລໍຖ້າ​ເວລາທີ່​
ພວກ​ເຂົາ​ເຈົ້າ​ຈະ​ໄດ້​ໄປ​ສານ​ໃນ​ວັນ​ພະຫັດສັບປະດາ​ນີ້ ​ເພື່ອ​ອຸ
ທອນຄະດີ​ຂອງ​ເຂົາ​ເຈົ້າ​.

ນາຍ Peter Greste ຊາວ​ອອສ​ເຕຣ​ເລຍ ​ແລະ​ນາຍ Mohamed
Fahmy ສັນຊາດ​ກາ​ນາ​ດາ​ເຊື້ອສາຍ​ອີ​ຈິບ ກຳລັງ​ຮັບໃຊ້​ໂທດ
​ຈຳ​ຄຸກ 7 ປີ ​ໃນ​ຂະນະ​ທີ່​ເພື່ອ​ນຮ່ວມ​ງານ​ຄົນ​ອີ​ຈິບ​ຂອງ​ເຂົາ​ເຈົ້າ
ທ້າວ Baher Mohamed ຮັບ​ໃຊ້​ໂທດ​ຈຳ​ຄຸກ 10 ປີ.

ນາຍ Michael ​ອ້າ​ຍຂອງ​ນາຍ Greste ກ່າວ​ຕໍ່​ບັນດາ​ນັກ​ຂ່າວ​ໃນ​ວັນ​ຈັນ​ມື້​ນີ້​ວ່າ ຄອບ
ຄົວ​ຂອງ​ລາວ​ຈະ​ຕ້ອງ​ຕັ້ງ​ຄວາມ​ຫວັງ​ໄວ້​ວ່າ ການ​ອຸທອນ​ຈະ​ນຳ​ໄປ​ສູ່ ​ການ​ປ່ອຍ​ໂຕ​ພວກ
​ນັກ​ຂ່າວ​ເຫຼົ່າ​ນີ້.

ປະທານາທິບໍດີ Mohamed Fattah el-Sissi ​ແຫ່ງ​ອີ​ຈິບ ກ່າວ​ຫຼັງຈາກ​ພວກ​ນັກ​ຂ່າວ
​ຖືກ​ຕັດສິນ​ວ່າ ມີ​ຄວາມ​ຜິດ​ໃນ​ເດືອນ​ກໍລະກົດ​ຜ່ານມາ​ວ່າ ຄຳ​ຕັດສິນ​ຂອງ​ສານຈະ​ຕ້ອງ
​ໄດ້​ຮັບ​ການ​ເຄົາລົບ​ນັບຖື ​ແລະ​ທ່ານ​ຈະ​ບໍ່​ເຂົ້າ​ແຊກ​ແຊງ​ໃນ​ເລື້ອງ​ນີ້.

ອົງການ​ຂ່າວ Al-Jazeera ​ໄດ້​ຢືນ​ຢັນ​ວ່າ ພວກ​ພະນັກງານ​ຂອງ​ຕົນ ​ພຽງ​ແຕ່​ປະຕິ​ບັດ​
ໜ້າ​ທີ່​ພາລະກິດ​ຂອງ​ເຂົາ​ເຈົ້າ​ ​ໃນ​ການລາຍ​ງານ​ຂ່າວ ເທົ່າ​ນັ້ນ​ ແລະ​ ​ເອີ້ນ​ຄຳ​ຕັດສິນ​
ຂອງ​ສານ​ຕໍ່​ພວກ​ນັກ​ຂ່າວ​ເຫຼົ່າ​ນີ້ ວ່າ “ໜ້າ​ຕົກ​ໃຈ​ເປັນ​ທີ່​ສຸດ.”

egyptjournalists29december14
please wait

No media source currently available

0:00 0:00:40 0:00

XS
SM
MD
LG