ລິ້ງ ສຳຫລັບເຂົ້າຫາ

ສຫລ ແລະ ຣັດເຊຍ​ ຊອກຫາທາງ ໃຫ້ຢຸດຍິງ ໃນລະດັບທ້ອງຖິ່ນ


ໃນ​ຂະນະ​ທີ່ການ​ຍຸຕິ​ຄວາມ​ເປັນ​ປໍ​ລະ​ປັກ​ທີ່​ມີ​ອາຍຸ 2 ​ເດືອນ​ຢູ່​ໃນຊີ​ເຣຍ ພວມ​ແຕກ​ຫັກ​ລົງ ຢ່າງ​ວ່ອງ​ໄວ​ນີ້​ ສະຫະລັດ​ໄດ້​ພົບ​ເຫັນ​ຕົນ​ເອງ​ວ່າ ຕົກ​ຢູ່​ໃນ​ທ່າ​ທີ​ທີ່ ບໍ່​ສະບາຍ​ເພີ້ມຂຶ້ນໂດຍ ພະຍາຍ​າມຂະຫຍາຍ​ການ​ຮ່ວມ​ມື​ກັບຣັດ​ເຊຍ ແຕ່​ໃນຂະນະ​ດຽວ​ກັນ​ກໍ​ບໍ່​ໃຫ້​ຕົກ​ເປັນ​ເຄື່ອງ ມື​ຂອງຣັດ​ເຊຍ.

ຕົວຢ່າງ​ຫລ້າ​ສຸດ​ກໍ​ແມ່ນ​ຄວາມ​ລັງ​ເລ​ໃຈ​ຂອງ​ວໍ​ຊິງ​ຕັນ​ທີ່​ສະ​ແດງ​ອອກ​ໃຫ້​ເຫັນ​ໃນ​ວັນ​ສຸກ ວານ​ນີ້ໃນ​ຂະນະ​ທີ່​ເຈົ້າໜ້າ​ທີ່​ສະຫະລັດ​ແລະຣັດ​ເຊຍປະຕິບັດ​ງານເພື່ອ​ໃຫ້ການ​ສະໜັບ ສະໜຸນ​ການ​ຢຸດ​ຍິງ​ໃນ​ແຂວງ Latakia​ ​ແລະ Ghourta ຕາ​ເວັນ​ອອກ ຮວມທັງ​ການ​ເຈ ລະຈາ​ລະຫວ່າງ​ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ແລະ ​ລັດ ຖະມົນຕີ​ການ​ຕ່ງປະ​ເທດຣັດ​ເຊຍ ທ່ານ Sergei Lavrov.

​ເຈົ້າໜ້າ​ທີ່​ອະ​ວຸ​ໂສ​ທ່ານ​ນຶ່ງ​ຂອງ​ກະຊວງ​ການ​ຕ່າງປະ​ເທດ​ສະຫະລັດ​ກ່າວ​ໃນ​ວັນສຸກ​ວານ​ນີ້ວ່ານີ້ບໍ່​ແມ່ນ​ເລື້ອງ​ໃໝ່​ແຕ່​ເປັນຄວາມ​ພະຍາ​ຍາມ​ທີ່​ດຳ​ເນີນ​ມາ​ແບບບໍ່​ຢຸດ​ຢ່ອນ​ໃນ​ພາກ ​ສ່ວນຂອງ​ພວກ​ເຮົາ ໂດຍ​ສະ​ເພາະ ​ກັບ​ຝ່າຍຣັດ​ເຊຍ ແລະ​ກ່າວຕື່ມ​ວ່າ ສະພາບ​ການ​ໃນ​ເມືອງ Aleppo ​ໃນ​ພາກ​ເໜືອ​ຂອງ​ປະ​ເທດ ກໍ​ມີ​ຄວາມເປັນ​ຫ່ວງກັງວົນ​ຢ່າງ​ເລິກ​ເຊິ່ງ.

​ເຈົ້າໜ້າ​ທີ່​ທ່ານ​ນີ້ກ່າວ​ວ່າ ພວກ​ເຮົາ​ໄດ້​ໂອ້ລົມ​ກັບຣັດ​ເຊຍ​ຢ່າງ​ເປັນ​ການ​ຮີບ​ດ່ວນກ່ຽວ​ກັບ ເງື່ອນ​ໄຂ​ໃນ​ການ​ຫລຸດຜ່ອນ​ຄວາມ​ເຄັ່ງ​ຕຶງຢູ່​ທີ່​ນັ້ນ.

ການ​ເຈລະຈາ​ຫາລື​ປະສົບ​ກັບ​ຄວາມ​ສຳ​ເລັດ​ຫລື​ບໍ່​ໃ​ນການ​ຊ່ອ​ຍຫຼີກ​ລ່ຽງບໍ່​ໃຫ້​ເກີດ​ວິ​ກິດ ການ​ດ້ານ​ມະນຸດສະທຳ ​ທີ່​ພວມ​ຊຸດ​ໂຊມ​ລົງ​ນັ້ນ ​ແມ່ນ​ຕ້ອງ​ໄດ້​ລໍ​ຖ້າ​ເບິ່ງຕໍ່​ໄປ. ​ແຕ່​ກໍ​ຍັງ​ມີ​ຄວາມ​ສົງ​ໄສ​ບໍ່​ແນ່​ໃຈ​ທີ່​ສຳຄັນ ທີ່​ວ່າ​ມົສກູ ​ມີ​ຄວາມ​ສົນໃຈ​ຫຍັງແທ້​ໃນ​ການ​ເຈລະຈາ​ກັນ ຕື່ມນອກ​ເໜືອ​ໄປ​ຈາກ​ການ​ເຈລະຈາ​ແລ້ວ.

​ເຈົ້າໜ້າ​ທີ່​ສືບ​ລັບ​ຄົນ​ນຶ່ງ​ກ່າວ​ຕໍ່​ວີ​ໂອ​ເອວ່າ ​ເຖິງ​ແມ່ນໄດ້​ມີ​ການ​ຢັບຢັ້ງ​ໃນ​ຂັ້ນຕົ້ນ ກໍ​ຈິງແຕ່​ກຳລັງ​ຂອງຣັດ​ເຊຍ​ໃນ​ການ​ປະສານ​ງານ​ກັບ​ກຳລັງ​ຂອງ​ປະທານາທິບໍດີຊີ​ເຣຍ ທ່ານ Ba- shar al-Assad ​ແມ່ນ​ລ່ວງ​ລະ​ເມີດ​ຕໍ່​ການ​ຍຸຕິ​ຄວາມ​ເປັນ​ປໍ​ລະປັກ​ກັນ.

ນອກ​ນັ້ນ​ແລ້ວ​ ເຈົ້າໜ້າ​ທີ່​ຄົນ​ນີ້ ຍັງ​ໄດ້​ສະ​ແດງ​ຄວາມ​ວິຕົກ​ກັງວົນ​ ກ່ຽວ​ກັບ​ຊະ​ຕາ​ກຳຂອງ ຫົວ​ເມືອງ​ທີ່​ໃຫຍ່​ສຸດ​ຂອງ​ຊີ​ເຣຍໂດຍ​ເວົ້າວ່າຣັດ​ເຊຍ​ໄດ້​ວາງ​ພື້ນຖານ​ການໂຄສະນາ​ຊວນເຊື່ອ ໃນ​ການ​ໃຫ້​ຄວາມ​ສະໜັບສະໜຸນ ​ຕໍ່​ກິດຈະກຳ​ຕ່າງໆ ​ຂອງ​ອຳນາດ​ກາ​ນປົກຄອງ​ຊີ​ເຣຍ ​ໃນ​ບໍລິ​ເວນ​ອ້ອມ​ແອ້ມ​ເມືອງ Aleppo.

​ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG