ລິ້ງ ສຳຫລັບເຂົ້າຫາ

ການປະຊຸມໂຣກ AIDS ທີ່ ວໍຊິງຕັນ ດີ.ຊີ ອັດລົງແລ້ວ (ວີດີໂອກ່ຽວຂ້ອງ)


ອະດີດປະທານາທິບໍດີສະຫະລັດ ທ່ານ Bill Clinton ກ່າວຄໍາປາໄສ ໃນວັນປິດກອງປະຊຸມ International AIDS Conference 2012, ວັນສຸກ ທີ 27 ກໍລະກົດ, 2012, ທີ່ Washington, D.C.

ອະດີດປະທານາທິບໍດີສະຫະລັດ ທ່ານ Bill Clinton ກ່າວຄໍາປາໄສ ໃນວັນປິດກອງປະຊຸມ International AIDS Conference 2012, ວັນສຸກ ທີ 27 ກໍລະກົດ, 2012, ທີ່ Washington, D.C.

ການ​ປະຊຸມນາໆ​ຊາດ​ກ່ຽວກັບ​ໂຣກ AIDS ຄັ້ງ​ທີ່ 19 ທີ່​ວໍຊິງ​ຕັນ ​ໄດ້​ສິ້ນ​ສຸດ​ລົງແລ້ວ ຫລັງ​ຈາກເວລານຶ່ງ​ອາທິດ ຂອງ​ການ​ປະຊຸມ ທີ່​ສຸມ​ໃສ່​ການຊອກ​ຫາ​ຊ່ອງ​ທາງຢຸດຕິ ​ໂຣກລະບາດ
ອັນ​ນີ້.

ມີຫລາຍ​ກວ່າ 20.000 ຄົນ ຮວມ​ທັງບັນດາ​ນັກບັນ​ເທິງ ​ນັກ​ການ​ເມືອງຂັ້ນ​ສູງ ​ແລະ​ບັນດາ​
ຜູ້ທີ່​ເຮັດ​ວຽກຢູ່​ແຖວ​ໜ້າຂອງ​ການ​ຄົ້ນ​ຄວ້າ​ໂຣກ​ເອດ​ສ໌ ​ເຂົ້າ​ຮ່ວມ​ກອງປະຊຸມ​ເປັນ​ເວ​ລາ
7 ວັນດັ່ງກ່າວ.

ເລື້ອງເງີິນ​ທຶນສໍາລັບ​ການ​ຄົ້ນຄວ້າ​ ​ໄດ້​ຢູ່​ໃນ​ລະດັບ​ສູງ​ສຸດຂອງ​ລາຍການ​ປະຊຸມ ໃນຊ່ວງ​
ເວລາ​ທີ່ ສະຫະລັດອາ​ເມຣິກາ ​ແລະ​ປະ​ເທດ​ໃຫ້​ທຶນ​ອື່ນໆ ທີ່ໄດ້​ບໍລິຈາກຫລາຍ​ລ້ານ​ໂດ​ລາ ​
ໃນ​ການ​ຕໍ່ສູ້​ກັບພະຍາດ AIDS ​ນັ້ນ ກໍາລັງ​ປະສົບ​ກັບ​ວິ​ກິດ​ການດ້ານ​ເສດຖະກິດ ​ໃນ​
ປະ​ເທດຂອງ​ຕົນ​.

ອະດີດ ​ປະທານາທິບໍດີ ສະຫະລັດ ທ່່ານ Billl Clinton ​ໄດ້​ຖະ​ແຫລ​ງຕໍ່​ກອງ​ປະຊຸມ​ນັດ
​ສຸດ​ທ້າຍ​ໃນ​ວັນ​ສຸກວານ​ນີ້ ຊຶ່ງ​ທ່ານ​ກ່າວ​ວ່າ ທ່ານ​ໄດ້​ໂອ້​ລົມ​ກັບບັນດາພະນັກງານຮັກສາ​
ສຸກຂະພາບ ທີ່​ກ່າວ​ວ່າ ບໍ່​ມີ​ທຶນ​ພຽງພໍສໍາລັບພວກຜູ້​ຍິງ​ທີ່​ຖືພາ ​ແລະ​ແມ່ທັງ​ຫລາຍ. ສະ
ຫະລັດ ກ່າວ​ວ່າ ຕົນ​ກໍາລັງໃຫ້​ທຶນ​ຕື່ມ​ອີກ 80 ລ້ານ​ໂດ​ລາ ​ເພື່ອ​ຊ່ວຍ​ກໍາຈັດ​ການ​ແຜ່ເຊື້ອ
HIV ຈາກ​ແມ່ ໄປ​ຫາ​ລູກ ​ໃຫ້​ໝົດສີ້​ນ​ໄປ ພາຍໃນ​ປີ 2015.

ກອງ​ປະຊຸມ​ໂຣກ​ເອດ​ສ໌ນາໆ​ຊາດໄດ້​ຈັດ​ຂື້ນ​ທີ່ສະຫະລັດ ​ເປັນ​ຄັ້ງ​ທໍາ​ອິດ​ໃນຮອບ 22 ປີ
ຫລັງ​ຈາກ ປະທານາທິບໍດີ Barack Obama ​ໄດ້​ຍົກ​ເລິກ​ການ​ຫ້າມ​ຄົນທີ່​ມີ​ເຊື້ອໄວຣັສ
HIV ບໍ່​ໃຫ້​ເຂົ້າປະ​ເທດ.

ພວກນັກເຄື່ອນໄຫວຮຽກຮ້ອງໃຫ້ປະເທດອື່ນໆ ຍົກເລີກຂໍ້ຫ້າມພວກຕິດເຊື້ອ
ເຂົ້າປະເທດ:

XS
SM
MD
LG