ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຫຼາຍກວ່າ 1 ລ້ານຄົນ ປະເຊີນໜ້າກັບ ຄວາມອຶດຫິວ ໃນເມືອງ Mosul


ຜູ້ຊາຍຄົນໜຶ່ງຂີ່ລົດຖີບຢູ່ຖະໜົນເສັ້ນໜຶ່ງ ໃນຂະນະທີ່ຄວັນໄຟ ພຸ່ງຂຶ້ນສູ່ທ້ອງຟ້າ ຈາກບໍ່ນ້ຳມັນ ທີ່ຖືກໄຟໄໝ້ ໃນເມືອງ Qayara, ປະມານ 50 ກິໂລແມັດ ທາງພາກໃຕ້ຂອງເມືອງ Mosul, ອີຣັກ. 31 ຕຸລາ, 2016.
ຜູ້ຊາຍຄົນໜຶ່ງຂີ່ລົດຖີບຢູ່ຖະໜົນເສັ້ນໜຶ່ງ ໃນຂະນະທີ່ຄວັນໄຟ ພຸ່ງຂຶ້ນສູ່ທ້ອງຟ້າ ຈາກບໍ່ນ້ຳມັນ ທີ່ຖືກໄຟໄໝ້ ໃນເມືອງ Qayara, ປະມານ 50 ກິໂລແມັດ ທາງພາກໃຕ້ຂອງເມືອງ Mosul, ອີຣັກ. 31 ຕຸລາ, 2016.

ໃນວັນພຸດມື້ນີ້, ​ໃນ​ຂະນະ​ທີ່ສະພາບອາກາດບໍ່ດີໄດ້ຂັດຂວາງ​ບໍ່​ໃຫ້ກອງກຳລັງຕ່າງໆ ບຸກ ຄືບ​ໜ້າເຂົ້າໃນເມືອງ Mosul ທີ່ຄວບຄຸມໂດຍພວກລັດອິສລາມນັ້ນ, ບັນດາອົງການການ ຊ່ວຍເຫຼືອໄດ້ເຕືອນວ່າ ພວກພົນລະເຮືອນແມ່ນກຳລັງຕົກຢູ່ໃນອັນຕະລາຍ​ເປັນຢ່າງຍິ່ງ ໃນຂະນະທີ່ການຕໍ່ສູ້ເພື່ອ​ເຂົ້າຍຶດເມືອງດັ່ງກ່າວເພີ້ມທະວີ​ຄວາມຮຸນ​ແຮງຂຶ້ນ.

ທ່ານ Wofgang Gressman ຈາກສະພາອົບພະຍົບຂອງ ນໍເວ ໄດ້ກ່າວວ່າ “ຕອນນີ້ ພວກເຮົາກຳລັງກຽມພ້ອມສຳລັບເຫດການທີ່ຮ້າຍແຮງທີ່ສຸດ, ຊີວິດຂອງພວກພົນລະ ເຮືອນ 1 ລ້ານ 2 ແສນຄົນ ແມ່ນຕົກຢູ່ໃນອັນຕະລາຍ​ເປັນຢ່າງຍິ່ງ, ແລະອະນາຄົດທັງ ໝົດຂອງ ອີຣັກ ຕອນນີ້ແມ່ນກຳລັງຢູ່ໃນສະພາບ​ທີ່ລໍ່ແຫຼມ.”

ກຸ່ມດັ່ງກ່າວໄດ້ກ່າວວ່າ ພວກພົນລະເຮືອນຫຼາຍພັນຄົນໄດ້ພາກັນຫຼົບໜີອອກຈາກເມືອງ ແລ້ວ, ແລະ ຫຼາຍຄົນກໍໄດ້ຖືກຂ້າຕາຍໂດຍມືປືນລອບຍິງ ແລະ ລະເບີດທີ່​ວາງ​ໄວ້. ພວກທີ່ ຍັງຢູ່ໃນເມືອງນັ້ນແມ່ນຕ້ອງການອາຫານ, ນ້ຳ ແລະ ​ອຸບປະກອນການແພດ, ແລະ ການ ຂາດແຄນດັ່ງ ກ່າວນັ້ນຈະຮ້າຍແຮງຂຶ້ນກວ່າເກົ່າ ໃນເມື່ອການຕໍ່ສູ້ຈະເຮັດໃຫ້ມັນຫຍຸ້ງ ຍາກຂຶ້ນຕື່ມ ສຳລັບການນຳສົ່ງສຳພາລະ ແລະການຊ່ວຍເຫຼືອດ້ານມະ ນຸດສະທຳອື່ນໆ ຈະໄປເຖິງ.

ກອງກຳລັງພິເສດ ອີຣັກ ໄດ້ເດີນທາງຮອດເຂດຊານເມືອງໃນວັນອັງຄານວານນີ້, ສອງ ສັບປະດາຫຼັງຈາກການຕໍ່ສູ້ເພື່ອຍຶດຄືນເມືອງທີ່ໃຫຍ່ທີ່ສຸດເປັນອັນດັບສອງຂອງ ອີຣັກ ໄດ້ ເລີ່ມຂຶ້ນ, ແລະ ດົນກວ່າສອງປີ ຫຼັງຈາກເມືອງ Mosul ໄດ້ຖືກຍຶດໄປໂດຍກຸ່ມຫົວຮຸນແຮງ ລັດອິສລາມ.

ນາຍພົນອີຣັກ ຄົນໜຶ່ງໄດ້ກ່າວວ່າ ກອງທະຫານໄດ້ຍຶດສະຖານີໂທລະ ພາບແຫ່ງໜຶ່ງໃນ ວັນອັງຄານວານນີ້ ກ່ອນພາຍຸດິນຊາຍພັດເຂົ້າຖະຫຼົ່ມ ແລະ ​ເຮັດ​ໃຫ້ການປະຕິບັດການຕໍ່ ສູ້​ກັນໃນ​ມື້ວານ​ນີ້ສິ້ນສຸດ​ລົງ.

ໃນວັນພຸດມື້ນີ້, ກອງກຳລັງຕ່າງໆ​ ແມ່ນ​ຍັງ​ຮັກສາ​ທີ່​ຕັ້ງຂອງພວກເຂົາເຈົ້າຢູ່​ທາງພາກຕາ ເວັນອອກຂອງເມືອງ ໃນຂະນະທີ່ຄວາມຊຸ່ມຊື່ນສູງ ແລະຂີ້ເຝື້ອໄດ້ຈຳກັດການ​ປະ​ຕິບັດ​ງານຂອງເຮືອບິນບໍ່ມີຄົນຂັບ ແລະ ເຮືອບິນອື່ນໆຍ້ອນ​ແນມ​ບໍ່​ເຫັນ​ເປົ້າໝາຍ.

ພາຍພົນຈັດຕະວາ ອີຣັກ ທ່ານ Haider Fadhi ກ່າວ່າ ບໍ່ມີການວາງແຜນທີ່ຈະເຄື່ອນ ກອງກຳລັງໃນວັນພຸດມື້ນີ້ ຍ້ອນສະພາບອາກາດ, ອີງຕາມລາຍ​ງານຂອງອົງການຂ່າວ​ເອພີ.

ອ່ານຂ່າວນີ້ຕື່ມເປັນພາສາອັງກິດ

Mosul
please wait
Embed

No media source currently available

0:00 0:02:01 0:00

XS
SM
MD
LG