ລິ້ງ ສຳຫລັບເຂົ້າຫາ

ແມ່ຍິງ ອັຟການີສຖານ ຖືກຄຸກ ຍ້ອນຫຼົບໜີ ການກະທໍາຮຸນແຮງ ຂອງສາມີ

  • ທອງປານ ເທບວົງສາ

ແມ່ຍິງອັຟການິສຖານຄົນນຶ່ງ ທີ່ຖືກຂັງ ຢູ່ຄຸກແມ່ຍິງ ໃນນະຄອນຫຼວງກາບູລ (28 ມີນາ 2012)

ລາຍ​ງານ​ໃໝ່​ສະບັບ​ນຶ່ງ​ໂດຍ​ກຸ່ມ​ສິ້ງ​ຊອມ​ສິດ​ທິມະນຸດ Human Rights Watch ​ເວົ້າວ່າ
ແມ່ຍິງ​ຊາວ​ອັຟກາ​ນີສຖານ​ຫລາຍ​ກວ່າ 400 ຄົນ ຖືກຈໍາຄຸກ ໃນຂໍ້ຫາພະຍາຍາມຫລົບໜີ ຈາກການກະທໍາຮຸນແຮງຂອງຜູ້​ເປັນສາມີແລະການຖືກບັງຄັບໃຫ້ແຕ່ງງານ.

ລາຍງານເວົ້າອີກວ່າ ພວກແມ່ຍິງທີ່ເອົາຕົວຫລົບໜີ ຈາກຄວາມທຸກທໍລະມານດັ່ງກ່າວນັ້ນ
ມັກຈະຖືກກ່າວຫາວ່າມີຊູ້ແລະກໍຖືກຈໍາຄຸກໃນຂໍ້ຫາທີ່ເອີ້ນວ່າອາດຊະຍາກໍາດ້ານສິນລະທໍາ ໃນຂະນະທີ່ພວກຝ່າຝືນທັງຫຼາຍຊໍ້າພັດ ບໍ່ຄວາມຜິດໃດໆ.

ກຸ່ມສິ້ງຊອດ​ສິດທິ​ມະນຸດ Human Rights Watch ໄດ້ສໍາພາດພວກແມ່ ຍິງແລະຍິງສາວ
ທີ່ຕົກຢູ່ໃນສະພາບ​ແບບ​ນີ້ 58 ຄົນ ໂຮມທັງພັນ​ລະ​ຍາ​ຄົນ ນຶ່ງທີ່ເວົ້າວ່າສາມີຂອງລາວເອົາ
ເຫລັກໄຂຄວງແທງຫົວ ໜ້າເອິກແລະແຂນ ຍ້ອນລາວ​ໄດ້ເຊີນ​ແຂກຜູ້ຊາຍຄົນນຶ່ງ ເຂົ້າໄປ
ໃນເຮືອນ.

ລາຍງານເວົ້າຕື່ມວ່າ ແມ່ຍິງອີກຄົນນຶ່ງ ຖືກບັງຄັບໃຫ້ແຕ່ງງານກັບຜູ້ຊາຍອັນທະພານ ຕິດ
ເຫລົ້າ ຕິດຢາ​ເສ​ບຕິດ ຕອນລາວມີອາຍຸພຽງ 12 ປີ. ລາວແລະລູກສາວສອງຄົນຖືກຈໍາຄຸກ
ຍ້ອນພາກັນຫລົບໜີ ແລະໄປລີ້. ຜົວຂອງລາວຕູ່ວ່າລາວໄປຫລັບນອນກັບພີ່ນ້ອງຄົນນຶ່ງ
ທີ່ໄດ້ຊ່ວຍລາວຫລົບໜີ.

ກຸ່ມສິ້ງຊອມສິດທິມະນຸດ Human Rights Watch ເວົ້າຕໍ່ໄປວ່າ ຕອນນີ້ເລຶ່ອງສິດທິຂອງ
ພວກແມ່ ຍິງອັຟການີສຖານແມ່ນດີຂຶ້ນຫຼາຍແລ້ວນັບຕັ້ງແຕ່ກຸ່ມຕາລິບານຖືກທັບ ມ້າງ ຊຶ່ງ​
ໃນ​ນັ້ນ​ແມ່ນໂຮມ​ທັງລັດຖະທໍາມະນູນໃໝ່ ທີ່ຮັບປະກັນສິດທິເທົ່າທຽມກັນ ແລະກົດໝາຍ
ໃໝ່ທີ່​ໃຫ້​ລົງ​ໂທດພວກ​ທີ່​ຝ່າ ຝືນຫລືກະທໍາຮຸນແຮງຕໍ່ພວກແມ່ຍິງ.

ແຕ່ກຸ່ມສິ້ງຊອມສິດທິມະນຸດກຸ່ມເວົ້າວ່າ ລະບົບສານຍຸຕິທໍາອັຟການີສຖານ ນັ້ນແມ່ນໃຊ້ການ
ບໍ່ໄດ້ ແລະກ່າວວ່າ ປະທານາທິບໍດີຮາມິດ ກາຊາຍມັກປ່ຽນທ່າທີຂອງທ່ານຢູ່ເລື້ອຍໆກ່ຽວ
ກັບ​ເລື່ອງສິດທິຂອງແມ່ຍິງ ໂດຍກ່າວ ຫາທ່ານວ່າ ທ່ານທໍາການປະນີປະນອມຫຼາຍເກີນໄປ
ກັບພວກຜູ້ນໍາສາສະ ໜາທີ່ເຄັ່ງຄັດນັ້ນ.

ເທົ່າເຖິງປັດຈຸບັນນີ້ ຍັງບໍ່ມີຄວາມຄິດເຫັນໃດໆກ່ຽວກັບລາຍງານດັ່ງກ່າວ ຈາກພວກເຈົ້າໜ້າ
ທີ່ອັຟການີສຖານ.

XS
SM
MD
LG