ລິ້ງ ສຳຫລັບເຂົ້າຫາ

ນາຍພົນ Allen ກ່າວວ່າ ສະຫະລັດ ຍັງຈະມີໜ້າ ຢູ່ອັຟການິສຖານ ຫຼັງປີ 2014

  • ໄພສານ ວໍຣະຈັກ

ລັດຖະມົນຕີກະຊວງປ້ອງກັນປະເທດສະຫະລັດ ທ່ານ Leon Panetta (ຊ້າຍ) ເອກອັກຄະລັດຖະທູດສະຫະລັດ ປະຈຳອັຟການິສຖານ ທ່ານ Ryan Crocker (ຂວາ) ແລະນາຍພົນ John Allen ທີ່ນະຄອນຫຼວງກາບູລ, ອັຟການິສຖານ (13 ທັນວາ 2011)

ລັດຖະມົນຕີກະຊວງປ້ອງກັນປະເທດສະຫະລັດ ທ່ານ Leon Panetta (ຊ້າຍ) ເອກອັກຄະລັດຖະທູດສະຫະລັດ ປະຈຳອັຟການິສຖານ ທ່ານ Ryan Crocker (ຂວາ) ແລະນາຍພົນ John Allen ທີ່ນະຄອນຫຼວງກາບູລ, ອັຟການິສຖານ (13 ທັນວາ 2011)

ຜູ້​ບັນຊາ​ການ​ກອງ​ກຳລັງ​ຂອງ​ສະຫະລັດ​ໃນ​ອັຟກາ​ນິສຖານໃຫ້​ສັນຍານ​ວ່າ ສະຫະລັດ​ອາດ
ຈະ​ສືບ​ຕໍ່​ຮັກສາ​ການ​ມີໜ້າ​ທາງ​ທະຫານ​ຂອງ​ຕົນ​ຢູ່​ໃນ​ປະ​ເທດ​ດັ່ງກ່າວ ​ໄປ​ກາຍ​ໝາຍ​ກຳນົດ
ການ​ໃນ​ການ​ຖອນ​ທະຫານ​ອະ​ເມຣິກັນໃນ​ປີ 2014.

ໃນ​ການ​ໃຫ້​ສຳພາດ​ ທີ່​ພິມ​ເຜີຍ​ແຜ່​ໂຍໜັງສືພິມ New York Times ນາຍ​ພົນ John
Allen ກ່າວ​ວ່າ ການ​ເຈລະຈາ​ກັບ​ລັດຖະບານຂອງ​ປະທານາທິບໍດີ​ຮາ​ມິດ ກາ​ໄຊ ​ແມ່ນ
ເກືອບ​ເປັນ​ທີ່​ແນ່ນອນ​ແລ້ວວ່າ ຈະ​ກວມ​ເອົາ​ເລື່ອງ​ກອງ​ກຳລັງ​ໃນ​ຍຸກ​ຫຼັງປີ 2014 ​ມີ​ລັກ
ສະນະ​ແບບ​ໃດ. ທ່ານ​ເວົ້າວ່າ ເລື່ອງ​ນີ້ບາງທີ​ ອາດ​ຈະຮວມທັງພວກ​ທີ່​ປຶກສາ​ຈຳນວນ​ນຶ່ງ
ພວກ​ໃຫ້ການ​ຝຶກ​ແອບ ແລະ​ພວກ​ນັກ​ຊ່ຽວຊານ ​ໃນ​ດ້ານ​ສືບ​ລັບ ສຳລັບ​ໄລຍະ​ຫຼັງຈາກ​ປີ
2014.

ເມື່ອ​ໄວໆ​ມານີ້ ​ໄດ້​ມີ​ການ​ອ້າງຄຳ​ເວົ້າຂອງ​ທ່ານ Ryan Crocker ​ເອກ​ອັກຄະລັດຖະທູດ
ສະຫະລັດປະຈຳ​ອັຟກາ​ນິສຖານ​ທີ່​ກ່າວ​ວ່າ ຫຼັງຈາກ​ປີ 2014 ​ແລ້ວ​ສະຫະລັດ​ຈະ​ສືບ​ຕໍ່​ໃຫ້
ການ​ຊ່ອຍ​ເຫຼືອທາງ​ດ້ານ​ເສດຖະກິດ​ ແລະ​ດ້ານ​ການ​ຮັກສາຄວາມ​ສະຫງົບ. ​ແຕ່​ນາຍ​ພົນ
Allen ​ແມ່ນ​ເຈົ້າໜ້າ​ທີ່​ຂັ້ນສູງ​ສຸດ​ທາງ​ທະຫານຂອງ​ສະຫະລັດ​ ທີ່​ໄດ້​ສະ​ເໜີ​ແນະກ່ຽວ​ກັບ​
ຄວາມ​ເປັນໄປ​ໄດ້​ໃນ​ການ​ພົວພັນ​ໄລຍະ​ຍາວ​ທາງ​ທະຫານ​ຂອງ​ສະຫະລັດ​ໃນ​ອັຟກາ​ນິສຖານ.

ໂຄສົກ​ຄົນ​ນຶ່ງ​ຂອງ​ກະຊວງ​ປ້ອງ​ກັນ​ປະ​ເທດ​ອັຟກາ​ນິສຖານ​ກ່າວ​ຕໍ່​ພວກ​ນັກ​ຂ່າວ​ໃນ​ມື້ວັນ​ພຸດ​
ວານ​ນີ້ວ່າ ອັຟກາ​ນິສຖານ​ພວມ​ໄດ້​ຮັບ​ຄວາມ​ກ້າວໜ້າ ​ໃນ​ການ​ຝຶກ​ແອບ​ກຳລັງ​ທະຫານ​ຂອງ​
ຕົນ​ແລະ​ໃນ​ເວລາ​ນີ້ກຳລັງ​ທະຫານ​ກອງທັບ​ແຫ່​ງຊາດອັຟກາ​ນິສຖານ​ແມ່ນ​ຢູ່​ໃນ​ລະດັບ 180
ພັນ​ຄົນ. ທ່ານ​ເວົ້າວ່າ ​ເປົ້າໝາຍ​ໃນການ​ເພີ່ມຈຳນວນ​ທະຫານ ​ແມ່ນ 240 ພັນ​ຄົນຊຶ່ງ​ເປັນ​
ກຳລັງ​ທີ່​ທ່ານ​ເວົ້າວ່າຈະ​ສາມາດ​ຮັກສາ​ຄວາມ​ໝັ້ນຄົງ​ທັງ​ພາຍ​ໃນ​ແລະ​ພາຍ​ນອກຢູ່​ໃນ​ທົ່ວ​ປະ
ເທດຫຼັງຈາກ​ປີ 2014.

XS
SM
MD
LG