ສະຫະລັດ ໄດ້ບັນລຸຂໍ້ຕົກລົງສະບັບນຶ່ງກັບອັຟການິສຖານກ່ຽວກັບການມອບໂອນສະຖານ
ທີ່ຄຸມຂັງຂອງສະຫະລັດ ຢູ່ໃນປະເທດ ໃຫ້ແກ່ເຈົ້າໜ້າທີ່ອັຟການິສຖານ.
ເຈົ້າໜ້າທີ່ກ່າວວ່າ ລັດຖະມົນຕີປ້ອງກັນປະເທດອັຟການິສຖານ ນາຍພົນ Abdul Rahim
Wardak ແລະຜູ້ບັນຊາການທະຫານສະຫະລັດ ນາຍພົນ John Allen ຄາດວ່າຈະເປັນຜູ້
ລົງນາມໃນບົດບັນທຶກຄວາມເຂົ້າໃຈຊຶ່ງກັນແລະກັນດັ່ງກ່າວ ໃນວັນສຸກມື້ນີ້.
ນຶ່ງໃນຈໍານວນສະຖານທີ່ຄຸມຂັງ ທີ່ຈະຖືກມອບໃຫ້ນັ້ນ ແມ່ນຄຸກທີ່ຖານທັບ Bagram ຊຶ່ງ
ເປັນບ່ອນທີ່ມີການຈູດພະຄໍາພີ Quran ເມື່ອເດືອນແລ້ວນີ້ ທີ່ໄດ້ກໍ່ໃຫ້ເກີດການປະທ້ວງຕໍ່
ຕ້ານສະຫະລັດຢ່າງຮຸນແຮງ ແລະເຮັດໃຫ້ມີຜູ້ບາດເຈັບລົ້ມຕາຍນັ້ນ.
ປະທານາທິບໍດີ Hamid Karzai ໄດ້ຮຽກຮ້ອງຫລາຍໆຄັ້ງໃຫ້ມອບຄຸກຢູ່ຖານທັບ Bag-
ram ໃຫ້ແກ່ອັຟການິສຖານ ກ່ອນທ່ານຈະຕົກລົງໃນການຕໍ່ລອງຕ່າງໆ ກ່ຽວກັບຄວາມສຳ
ພັນລະຫວ່າງສອງປະເທດລຸນຫຼັງທີ່ໄດ້ມີການຖອນກໍາລັງທະຫານ NATO ອອກໄປໃນປີ
2014.
ປະທານາທິບໍດີອັຟການິສຖານ ໄດ້ກໍາໜົດໃຫ້ວັນສຸກມື້ນີ້ ເປັນເສັ້ນຕາຍກ່ຽວກັບຂໍ້ຕົກລົງ
ການມອບບ່ອນຄຸມຂັງຕ່າງໆ.
ທ່ານ Karzai ຍັງໄດ້ຮຽກຮ້ອງໃຫ້ຢຸດເຊົາໃນການໂຈມຕີຕອນກາງຄືນຢູ່ຕາມໝູ່ບ້ານຕ່າງໆ
ຂອງກໍາລັງນາໆຊາດ. ເຈົ້າໜ້າທີ່ກ່າວວ່າ ບັນຫາດັ່ງກ່າວຍັງບໍ່ທັນເປັນທີ່ແກ້ໄຂກັນໄດ້ເທື່ອ.