ລິ້ງ ສຳຫລັບເຂົ້າຫາ

ພະນັກງານ ລັດຖະບານ ອັຟການິສຖານ ຖືກໂຈມຕີ ເພີ້ມຂຶ້ນ


ພວກກໍາລັງຮັກສາຄວາມສະຫງົບອັຟການິສຖານ ຍາມຢູ່ບ່ອນທີ່ມີການໂຈມຕີດ້ວຍລະເບີດ ສະລະຊີບ ຢູ່ເມືອງ Kandahar ທາງພາກໃຕ້ຂອງນະຄອນຫລວງ Kabul ໃນວັນທີ 5 ກຸມພາ, 2012.

ອົງການສະຫະປະຊາຊາດເວົ້າວ່າ ການໂຈມຕີຂອງພວກ
ກະບົດຕໍ່ພະນັກງານລັດຖະບານອັຟການິສຖານ ໄດ້ເພີ້ມ
ຂຶ້ນປະມານ 700 ເປີເຊັນ ໃນປີກາຍນີ້ ເຖິງແມ່ນວ່າ ການ ໂຈມຕີຕໍ່ພົນລະເຮືອນໄດ້ຫລຸດລົງເປັນຄັ້ງທໍາອິດໃນຮອບ
ຫົກປີຜ່ານມາກໍຕາມ.

ໃນລາຍງານປະຈໍາປີທີ່ນໍາອອກເຜີຍແຜ່ໃນວັນອັງຄານຜ່ານມາ
ຜູ້ຕາງໜ້າຂອງສະຫະປະຊາຊາດປະຈໍາອັຟການິສຖານເວົ້າວ່າ
ມີພົນລະເຮືອນ 2,754 ຄົນ ທີ່ເຮັດວຽກໃຫ້ລັດຖະບານອັຟກາ
ນິສຖານເສຍຊີວິດຢູ່ໃນການໂຈມຕີຕ່າງ ໆ ໃນປີກາຍນີ້. ຜູ້ຕາງ
ໜ້າ ສປຊ ຖືວ່າການໂຈມຕີທີ່ແນເປົ້າໃສ່ສັງຫານຫົວໜ້າ ແລະ ຮອງຫົວໜ້າພະແນກຮັບຜິດຊອບວຽກງານດ້ານແມ່ຍິງໃນເດືອນ
ກໍລະກົດ ແລະເດືອນທັນວາຜ່ານມາວ່າເປັນ “ເລື້ອງທີ່ໜ້າເສຍ
ໃຈເປັນພິເສດ.”

ບົດລາຍງານດັ່ງກ່າວຍັງເວົ້າອີກວ່າ ພວກກະບົດ ຮັບຜິດຊອບ 81 ເປີເຊັນຂອງການ ບາດເຈັບ ແລະເສຍຊີວິດຂອງພົນລະເຮືອນ ໃນປີ 2012 ໃນຂະນະທີ່ 8 ເປີເຊັນ ແມ່ນ ເກີດມາຈາກກໍາລັງທະຫານຂອງອັຟການິສຖານ ແລະເນໂຕ້ ແລະ ອີກ 11 ເປີເຊັນ ບໍ່ສາມາດທີ່ຈະເວົ້າວ່າ ມີສາເຫດ ມາຈາກຝ່າຍໃດກັນແທ້.

ການສຶກສາຄົ້ນຄວ້າເວົ້າວ່າ ການດໍາເນີນຄວາມພະຍາຍາມເພື່ອຫລຸດຜ່ອນຄວາມ ເສຍຫາຍຕໍ່ຊີວິດຂອງພົນລະເຮືອນ ໂດຍກໍາລັງທະຫານຂອງລັດຖະບານ ໄດ້ພາໃຫ້ ມີການຫລຸດຜ່ອນການໂຈມຕີຕໍ່ພົນລະເຮືອນລົງ 40 ເປີເຊັນ ໃນປີກາຍນີ້.
XS
SM
MD
LG