ລິ້ງ ສຳຫລັບເຂົ້າຫາ

ນາໆຊາດ ​ບໍລິຈາກ​​ເງິນ ​ຊ່ວຍ​ເຫລືອ ອັຟການີສຖານ $16 ພັນລ້ານ

  • ທອງປານ ເທບວົງສາ

ປະທານາທິບໍດີອັຟການິສຖານ ທ່ານ ຮາມິດ ກາຊາຍ ທີ່ກອງປະຊຸມຂອງກຸ່ມປະເທດບໍລິຈາກເງິນຊ່ວຍເຫລືອ ຢູ່ໂຕກຽວ, ວັນທີ 8 ກໍລະກົດ 2012.

ພວກ​ບໍລິຈາກເງິນ​ຊ່ວຍ​ເຫລືອນານາ​ຊາດ​ ທີ່​ພົບ​ປະກັນ​ຢູ່​ໂຕ​ກຽວ​ ໄດ້​ຮັບປາກຈະ​ບໍລິຈາກ​ເງິນ 16 ພັນ​ລ້ານ​ໂດ​ລາ ສໍາລັບ​ຊ່ວຍ​ເຫຼືອ​ໃນການ​ພັດທະນາ​ອັຟກາ​ນີສຖານ ​ໃນໄລຍະ 4
ປີ​ຕໍ່ໜ້າ​.

ເງິນ​ຈໍານວນ​ດັ່ງກ່າວ ​ແມ່ນສອດຄ່ອງ​ກັບຈໍານວນ 4 ພັນ​ລ້ານ​ໂດ​ລາ​ຕໍ່​ປີ ທີ່​ປະທານາທິບໍດີ​ອັຟກາ​ນີສຖານ​ ທ່ານ​ຮາ​ມິດ ກາ​ຊາຍ ​ໄດ້​ຮ້ອງ​ຂໍ​ຢູ່​ໃນ​ກອງ​ປະຊຸມໃນວັນ​ອາທິດ​ມື້​ນີ້.

​ໃນ​ຕອນ​ຖະ​ແຫຼງ​ໄຂ​ກອງ​ປະຊຸມ​ນັ້ນ ທ່ານ​ກາ​ຊາຍ ຮັບ​ຮູ້​ວ່າການ​ສໍ້​ລາດ​ບັງຫຼວງທີ່​ແຜ່​
ລະບາດ​ຢູ່ໃນ​ອັຟກາ​ນີສຖານ​ນັ້ນ ແມ່ນ​ໄດ້​ບ່ອນ​ທໍາ​ລາຍ​ຄວາມ​ພະຍາຍາມໃນການ​ຊ່ວຍ​
ເຫຼືອຄັ້ງ​ຜ່ານ​ມາ ​ແລະ​ທ່ານ​ສັນຍາວ່າ​ຈະ​ທໍາ​ການ​ຄວບ​ຄຸມ​ປາບ​ປາມ​ເລຶ່ອງນີ້ໃຫ້​ໄດ້ ຊຶ່ງ​
ທ່ານ​ກາ​ຊາຍ​ກ່າວ​ວ່າ:

​“ການ​ສໍ້​ລາດ​ບັງຫຼວງນັ້ນ ໂດຍ​ສະ​ເພາະ​ແລ້ວ ​ແມ່ນເປັນ​ຕົວ​ການ​ເຮັດ​ໃຫ້ ສະ​ຖາ​ບັນ​
ຕ່າງໆ​ຂອງ​ພວກ​ເຮົາ ຂາດ​ຄວາມມີປະສິດທິ​ຜົນ ຂາດ​ການ​ລວມຕົວ ​ແລະ​ຂາດ​ຄວາມ​
ຖືກຕ້ອງ​ຕາມ​ກົດໝາຍ. ພວກ​ເຮົາ​ຈະ​ປາບ​ປາມ​ການ​ສໍ້​ລາດບັງຫຼວງ ດ້ວຍ​ຄວາມ​ຕັ້ງ​ໃຈ​
ທີ່​ເດັດດ່ຽວ ​ບໍ່​ວ່າ​ມັນ​ເກີດ​ຂຶ້ນຢູ່​ບ່ອນ​ໃດ​ກໍ​ຕາມ ​ແລະພວກ​ເຮົາຂໍຮ້ອງ​ແບບ​ດຽວ​ກັນນີ້
ຈາກ​ບັນດາ​ພາຄີ​ນານາ​ຊາດ​ນັ້ນ​ນໍາ. ຮວມກັນ ພວກ​ເຮົາ​ຈະ​ຕ້ອງ​ຢຸດ​ການ​ປະຕິບັດ​ທີ່
ຫຼໍ່ລ້ຽງ​ການ​ສໍ້າລາດ​ບັງຫຼວງ ຫຼືສ້າງຄວາມ​ອ່ອນ​ແອ​ໃຫ້​ແກ່​ ຄວາມ​ຖືກຕ້ອງ​ຕາມ​ກົດ
ໝາຍ​ແລະ​ຄວາ​ມີ​ປະສິດທິຜົນ​ ຂອງບັນດາ​ສະຖານ​ບັນ​ແຫ່ງຊາດ​ຂອງ​ພວກ​ເຮົາ.”

ກອງ​ປະຊຸມ​ດັ່ງກ່າວ ມີ​ຜູ້ຕາງໜ້າ​ຂອງ​ປະມານ 70 ປະ​ເທດ ​ແລະ​ບັນດາ​ເຈົ້າໜ້າ​ທີ່​ອາວຸ​ໂສ​ຂອງ​ໂລກ ​ເຂົ້າ​ຮ່ວມ​ນໍາ ​ໂຮມ​ທັງ​ເລຂາທິການ​ອົງການ​ສະຫະ​ປະຊາ​ຊາດ ທ່ານ ພັນ ຄີ​ມູນ ​ແລະ​ທ່ານ​ນາງ ຮິ​ລ​ແລ​ຣີ ຄລິນຕັນ ​ລັດຖະມົນຕີ​ຕ່າງປະ​ເທດ​ສະຫະລັດ.

ທີ່​ເມືອງຫຼວງກາ​ບູລ ຂອງອັຟກາ​ນີສຖານ ວັນ​ເສົາ​ວານ​ນີ້ ​ທ່າ​ນນາງຄລິນ​ຕັນ ເຈົ້າໜ້າ​ທີ່​ການ​ທູດ​ລະດັບ​ສູງ​ສຸດຂອງສະຫະລັດ​ ໄດ້​ສະ​ເໜີ​ໃຫ້ການ​ຄໍ້າປະກັນ​ວ່າ ສະຫະລັດ​ຈະ​ບໍ່​ປະ​ຖິ້ມ​ອັຟກາ​ນີສຖານ ຫຼັງຈາກ​ທະຫານໜ່ວຍລົບຂອງ​ອາ​ເມຣິກາ ​ຖອນ​ອອກ​ໄປ​ໃນ​ປີ 2014.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG