ລິ້ງ ສຳຫລັບເຂົ້າຫາ

11 ຄົນເສຍຊີວິດ ຍ້ອນລະເບີດລົດ ທີ່ອັຟການີສຖານ

  • ສິງ ບູຣົມມະວົງ

ລະເບີດລົດແຕກຂຶ້ນໃນເມືອງ Lashkar Gah ແຂວງ Helmand ຂອງອັຟການີສຖານ ວັນທີ 31 ກໍລະກົດ 2011

ບັນດາ​ເຈົ້າ​ໜ້າ​ທີ່​ໃນອັຟກາ​ນີສຖານ​ກ່າວ​ວ່າ ກາ​ນວາງ​ລະ​ເບີດ​ສະລະ​ຊີບ​ໃນ​ລົດ​ຄັນ​ນຶ່ງ​ໃນ​ວັນ​ອາທິດ​ມື້​ນີ້ ທີ່​ແຂວງ Helmand ​ໄດ້​ສັງຫານ ປະຊາຊົນ​ 11 ຄົນ​ແລະ​ເຮັດ​ໃຫ້​ບາດ​ເຈັບ​ຕື່ມ​ອີກ 10 ຄົນ.

ໂຄສົກ​ປະ​ຈໍາ​ແຂວງ​ເວົ້າ​ວ່າ ຕໍາຫລວດ 10 ຄົນ​ແລະ​ເດັກນ້ອຍ 1 ຄົນ ໄດ້​ເສຍຊີວິດເວລາ
ລະເບີດລົດແຕກຂຶ້ນຢູ່ໃກ້ໆກັບກອງບັນຊາການຕໍາ ຫລວດໃນເມືອງ Lashkar Gahໃນ
ພາກໃຕ້ຂອງປະເທດ. ໂຄສົກ ກ່າວຕື່ມວ່າ ມີພົນລະເຮືອນ 3 ຄົນ ຮວມຢູ່ໃນຈໍານວນພວກ
ທີ່ໄດ້ຮັບບາດເຈັບ.

ກຸ່ມຕາລີບັນໄດ້ອ້າງເອົາຄວາມຮັບຜິດຊອບໃນການໂຈມຕີຄັ້ງນີ້.

ພວກກໍາລັງຕ່າງປະເທດໄດ້ມອບໂອນການຮັກສາຄວາມປອດໄພໃນເມືອງ Lashkar Gah ໃຫ້ກໍາລັງອັຟການີສຖານໃນເດືອນນີ້ ອັນເປັນພາກສ່ວນນຶ່ງ​ຂອງ​ຂັ້ນທໍາອິດຂອງແຜນການ
ທີ່ຈະໃຫ້ວຽກ​ງານການຮັກສາຄວາມປອດໄພໃນທົ່ວປະເທດ ​ໄປຢູ່ພາຍໃຄ້ການຄວບຄຸມດູ
ແລຂອງກໍາລັງຮັກສາຄວາມປອດໄພຂອງອັຟການີສຖານທັງໝົດພາຍໃນທ້າຍປີ 2014 ນັ້ນ.

XS
SM
MD
LG