ລິ້ງ ສຳຫລັບເຂົ້າຫາ

ສປຊ ປະນາມ ການໂຈມຕີ ກົງສຸນ ສຫລ ຢູ່ ອັຟການິສຖານ (ສະໄລດ໌)


ຄວັນພວມພຸ່ງຂຶ້ນ ຈາກບໍລິເວນໃກ້ໆກົງສຸນ ສຫລ ທີ່ເມືອງ Herat ຫຼັງຈາກມີການໂຈມຕີ ດ້ວຍລະເບີດລົດ (13 ກັນຍາ 2013)
ສະພາຄວາມໝັ້ນຄົງ ຂອງອົງການສະຫະປະຊາຊາດ ປະນາມ
ການໂຈມຕີສະຖານກົງສຸນສະຫະລັດ ຢູ່ເມືອງ Herat ໃນພາກ ຕາເວັນຕົກອັຟການິສຖານໂດຍພວກຫົວຮຸນແຮງທີ່ໄດ້ສັງຫານ
ທະຫານຍາມ ທີ່ເປັນຊາວອັຟການິສຖານ 3 ຄົນ ແລະນາຍພາ
ສາອີກຜູ້ນຶ່ງ. ນອກນັ້ນຍັງມີອີກ 20 ກວ່າຄົນໄດ້ຮັບບາດເຈັບໃນ
ການໂຈມຕີດັ່ງກ່າວ.

ສະພາຄວາມໝັ້ນຄົງໄດ້ກ່າວຢູ່ໃນຖະແຫຼງການສະບັບນຶ່ງທີ່ນຳ
ອອກເຜີຍແຜ່ ໃນຕອນແລງຂອງວັນສຸກວານນີ້ວ່າ “ການກໍ່ການ
ຮ້າຍໃນທຸກຮູບແບບແລະການສະແດງອອກ ແມ່ນເປັນອາດຊະ
ຍາກຳແລະບໍ່ສາມາດທີ່ຈະສະແດງໃຫ້ເຫັນວ່າເປັນການກະທຳ ທີ່ຖືກຕ້ອງຫຼືສົມເຫດສົມຜົນໄດ້.”

ເຈົ້າໜ້າທີ່ເວົ້າວ່າ ພວກທາລີບານໄດ້ພົວພັນກັບການຍິງຕໍ່ສູ້ແລະການໂຈມຕີດ້ວຍລະເບີດ ສະຫຼະຊີບ ຢູ່ນອກກົງສຸນສະຫະລັດໃນຕອນເຊົ້າຂອງມື້ວັນສຸກວານນີ້. ກຳລັງຮັກສາຄວາມ ສະຫງົບຂອງນາໆຊາດ ໄດ້ຍິງຕອບໂຕ້ ແລະເຈົ້າໜ້າທີ່ກ່າວວ່າ ພວກຫົວຮຸນແຮງທັງໝົດ ຊຶ່ງບາງຄົນໃສ່ເສື້ອໃຫຍ່ບັນຈຸລະເບີດ ໄດ້ຖືກສັງຫານ ໃນການຍິງຕໍ່ສູ້ກັນ.

ສະພາຄວາມໝັ້ນຄົງສະຫະປະຊາຊາດກ່າວວ່າ ການກໍ່ການຮ້າຍໃດໆກໍຕາມບໍ່ສາມາດທີ່ ຈະຕ່າວປີ້ນເສັ້ນທາງໄປສູ່ສັນຕິພາບພາຍໃຕ້ການນຳພາຂອງຊາວອັຟການິສຖານ ປະຊາ ທິປະໄຕແລະສະຖຽນລະພາບ ຢູ່ໃນອັຟການິສຖານໄດ້.

ການໂຈມຕີຂອງພວກຫົວຮຸນແຮງ ໄດ້ເພີ້ມທະວີຂຶ້ນ ໃນໄລຍະສອງສາມອາທິດຜ່ານມາ
ໃນຂະນະທີ່ກອງກຳລັງຂອງນາໆຊາດພາຍໃຕ້ການນຳພາຂອງສະຫະລັດພວມຫຼຸດການ ມີໜ້າ ຢູ່ໃນອັຟການິສຖານລົງ ກ່ອນການຖອນກຳລັງທັງໝົດ ອອກຈາກປະເທດດັ່ງກ່າວ ພາຍໃນທ້າຍປີໜ້າ.

ທ່ານນາງ Marie Harf ໂຄສົກຂອງກະຊວງການຕ່າງປະເທດສະຫະລັດກ່າວວ່າ ບໍ່ມີຄົນ ອາເມຣິກັນບາດເຈັບລົ້ມຕາຍ ແຕ່ປະການໃດ ໃນການໂຈມຕີກົງສຸນສະຫະລັດເທື່ອນີ້.

XS
SM
MD
LG