ລິ້ງ ສຳຫລັບເຂົ້າຫາ

ປະທານາທິບໍດີອັຟການີສຖານ ເຕືອນເນໂຕ້ ຕໍ່ການໂຈມຕີພົນລະເຮືອນ

  • ສິງ ບູຣົມມະວົງ

ປະທານາທິບໍດີ Hamid Karzai ແຫ່ງອັຟການີສຖານກ່າວຕໍ່ກອງປະຊຸມນັກຂ່າວທີ່ທໍານຽບປະທານາທິບໍດີ ທີ່ກຸງຄາບູລ ວັນທີ 31 ພຶດສະພາ, 2011

ປະທານາທິບໍດີ Hamid Karzai ​ແຫ່ງ​ປາ​ກີ​ສຖານໄດ້​
ເຕືອນ​ກຸ່ມ​ເນ​ໂຕ້​ວ່າ ການ​ໂຈມ​ຕີ​ທາງ​ອາກາດ ​ໃສ່​ບ້ານ
ເຮືອນ​ຂອງປະຊາຊົນໂດຍ​ແນ​ເປົ້າ​ໝາຍ​ໃສ່ພວກ​ຫົວ​ຮຸນ
ແຮງ​ນັ້ນ​ ຈະ​ບໍ່​ໄດ້​ຮັບ​ອະນຸມັດ​ອີກ​ໃນ​ຂະນະ​ທີ່​ທ່ານ​ສືບ
ຕໍ່​ທໍາ​ຄວາມ​ກົດ​ດັນ ​ຕໍ່​ກໍາລັງ​ຂອງ​ສະຫະລັດ​ແລະ​ກຸ່ມ​ເນ
ໂຕ້່ ກ່ຽວກັບ​ການບາດ​ເຈັບ​ລົ້ມ​ຕາຍ​ ຂອງ​ພວກ​ພົນລະ
ເຮືອນ​ນັ້ນ.

ທ່ານ Karzai ກ່າວ​ໃນ​ວັນ​ອັງຄານ​ມື້​ນີ້​ວ່າ ປະຊາຊົນ
ອັຟກາ​ນີສຖານ​ບໍ່ ສາມາດ​ໂຍະຍານ​ການ​ໂຈມ​ຕີ​ເຊ່ນ​
ນີ້​ອີກ​ແລ້ວແລະ​ວ່າ ​ພວກ​ກໍາລັງ​ປະ ສົມ​ພາຍ​ໃຕ້​ການ​
ນໍາ​ພາ​ຂອງ​ສະຫະລັດ ​ແມ່ນສ່ຽງຕໍ່ການທີ່ຈະຖືກເບິ່ງວ່າ
ເປັນ​ກໍາລັງ​ຢຶດ​ຄອງ ​ຖ້າ​ການ​ຖິ້ມ​ລະ​ເບີດ​ເຊ່ນນີ້​ຫາກ
ຍັງ​ດໍາ​ເນີນສືບ​ຕໍ່​ໄປ.

ການໃຫ້ຄວາມເຫັນ​ເຊ່ນ​ນີ້​ຂອງ​ທ່ານ Karzai ມີ​ຂຶ້ນ 1 ມື້
​ຫລັງ​ຈາກ​ຜູ້​ນໍາອັຟກາ​ນີສຖານໄດ້ອອກໃນອັນ​ທີ່​ເອີ້ນ​ວ່າ
ຄໍາ​ເຕືອນ​ຄັ້ງ​ສຸດ​ທ້າຍກ່ຽວ​ກັບ​ການບາດ​ເຈັບ​ລົ້ມ​ຕາຍ​ ຂອງພວກພົນລະ​ເຮືອນ​ນັ້ນ.

ກຸ່ມ​ເນ​ໂຕ້​ໄດ້​ຂໍ​ຂະ​ມາ​ໂທດ​ໃນ​ການ​ຕາຍ​ຂອງ​ພວກ​ພົນລະ​ເຮືອນ 9 ຄົນໃນ​ວັນ​ເສົາ​ຜ່ານ​
ມາ​ຍ້ອນ​ການ​ໂຈມ​ຕີ​ທາງ​ອາກາດ​ໃນ​ແຂວງ Helmand ນັ້ນ. ທາງ​ການ​ອັຟກາ​ນີສຖານ
ກ່າວ​ວ່າ ການ​ໂຈມ​ຕີ​ດັ່ງກ່າວ​ໄດ້​ຕົກ​ຖື​ກເຮືອນ 2 ຫລັງ​ຊຶ່ງ​ໄດ້​ເຮັດ​ໃຫ້​ປະຊາຊົນ​ເສຍ​ຊີວິດ
ໄປ 14 ຄົນ.

ໂຄສົກ​ປະ​ຈໍາ​ທໍານຽບຂາວ​ກ່າວ​ໃນ​ວັນ​ອາທິດ​ຜ່ານ​ມາ​ວ່າ ສະຫະລັດ​ກໍມີ​ຄວາມ​ເຫັນ​ເຊ່ນ
ດຽວ​ກັນ​ກັບ​ຄວາມ​ເປັນ​ຫ່ວງ ຂອງ​ທ່ານ Karzai ກ່ຽວກັບ​ການບາດ​ເຈັບລົ້ມ​ຕາຍ​ຂອງ
ພວກ​ພົນລະ​ເຮືອນ​ນັ້ນ.

XS
SM
MD
LG