ບັນດາເຈົ້າໜ້າທີ່ອັຟການິສຖານກ່າວວ່າ ການວາງລະເບີດສະລະຊີບບັ້ນນຶ່ງຢູ່ໃກ້ກັບພວກ
ຫ້ອງການຂອງສະຫະປະຊາຊາດ ໃນພາກໃຕ້ຂອງອັຟການິສຖານ ໄດ້ສັງຫານປະຊາຊົນ
ຢ່າງນ້ອຍ 4 ຄົນ.
ທາງການກ່າວວ່າ ຄົນຮ້າຍຄົນນຶ່ງໄດ້ຈຸດຂະນວນລະເບີດທີ່ບັນທຸກຢູ່ເຕັມລົດຄັນນຶ່ງ ຢູ່
ໃກ້ໆກັບອົງການຊ່ວຍເຫລືອອົບພະຍົບຂອງສະຫະປະຊາຊາດແລະອົງການບັນເທົາທຸກ
ແລະການພັດທະນານາໆຊາດທີ່ມີສໍານັກງານໃຫຍ່ຢູ່ໃນສະຫະລັດ.
ຫລັງຈາກລະເບີດລົດໄດ້ແຕກຂຶ້ນໃນເຊົ້າວັນຈັນມື້ນີ້ ຄົນຮ້າຍສອງຄົນໄດ້ຟ້າວແລ່ນເຂົ້າໄປ
ໃນບໍລິເວນນັ້ນ ເຂົ້າຄວບຄຸມຄລີນິດປົວສັດແຫ່ງນຶ່ງ. ເຈົ້າໜ້າທີ່ອັຟການິສຖານກ່າວວ່າ
ກໍາລັງຮັກສາຄວາມປອດໄພໄດ້ຍິງປືນຕໍ່ສູ້ກັບຄົນຮ້າຍ ເປັນເວລາຢ່າງນ້ອຍ 2 ຊົ່ວໂມງ
ກ່ອນພວກຄົນຮ້າຍຖືກຍິງຕາຍ.
ກຸ່ມຕາລີບັນໄດ້ອ້າງເອົາຄວາມຮັບຜິດຊອບໃນການວາງລະເບີດຄັ້ງນີ້. ໂຄສົກຂອງກຸ່ມຕາ
ລີບັນຄົນນຶ່ງກ່າວວ່າ ອົງການນຶ່ງຂອງສະຫະປະຊາຊາດເປັນເປົ້າໝາຍຂອງການໂຈມຕີ.