ລິ້ງ ສຳຫລັບເຂົ້າຫາ

ເຫດລະເບີດ ສະຫຼະຊີບ ໃນອັຟການີສຖານ ສັງຫານເຈົ້າເມືອງ ຄົນນຶ່ງ (ວີດິໂອ)


ຊາຍຊາວອັຟການີສຖານຄົນນຶ່ງ ທີ່ໄດ້ຮັບບາດເຈັບ ໃນເຫດວາງລະເບີດສະຫຼະຊີບ, ວັນສຸກມື້ນີ້ ທີ 30 ສິງຫາ 2013.

ຊາຍຊາວອັຟການີສຖານຄົນນຶ່ງ ທີ່ໄດ້ຮັບບາດເຈັບ ໃນເຫດວາງລະເບີດສະຫຼະຊີບ, ວັນສຸກມື້ນີ້ ທີ 30 ສິງຫາ 2013.

ບັນດາ​ເຈົາໜ້າ​ທີ່​ອັຟກາ​ນີສຖານ ​ເຫດການ​ໂຈມ​ຕີ​ສະຫຼະຊີບ​ບັ້ນ​ນຶ່ງ ​ໄ​ດ້ສັງຫານ​ເຈົ້າ​ເມືອງ​ຄົນ​ນຶ່ງ ​ແລະຢ່າງ​ໜ້ອຍ​ອີກ​ເຈັດ​ຄົນ ທີ່​ໄດ້​ເຂົ້າຮ່ວມ​ພິທີ​ສົ່ງ​ສະ​ການ ຢູ່​ທີ່ວັດ​ມຸສລິ​ມ​ແຫ່ງ​ນຶ່ງ ທາງ​ພາກ​ເໜືອ​ຂອງ​ອັຟກາ​ນີສຖານ.

​ເຈົ້າໜ້າ​ທີ່​ເວົ້າ​ວ່າ ມີ​ຜູ້​ບາດ​ເຈັບ​ຈາກ​ເຫດ​ຮ້າຍ​ດັ່ງກ່າວ​ນີ້ຢ່າງ​ໜ້ອຍ 11 ຄົນ ຊຶ່ງ​ໂຮມ​ທັງ​ພົນລະ​ເຮືອນ ​ໃນ​ເຫດການ​ລະ​ເບີດ​ດັ່ງກ່າວ​ທີ່​ເກີດ​ຂຶ້ນ​ເມື່ອ​ວັນ​ສຸກ​ຕອນ​ເຊົ້າ ຢູ່​ເມືອງ Archi ​ແຂວງ Kunduz.

​ເຫດການ​ດັ່ງກ່າວ​ນີ້ ຍັງ​ບໍ່​ມີ​ຜູ້​ໃດ​ອ້າງ​ເອົາ​ຄວາມ​ຮັບຜິດຊອບ ທີ່​ໄດ້​ສັງຫານ ທ່ານ Sayed Sadruddin ​ເຈົ້າ​ເມືອງ ​ເມືອງ Archi.

​ແຕ່​ຢ່າງ​ໃດ​ກໍ​ຕາມ ປົກກະຕິ​ແລ້ວ ກຸ່ມ​ຕາ​ລິ​ບານ​ຈະ​ແນ​ຈຸດ​ໂຈມ​ຕີ​ໃສ່​ແຕ່ ພວກ​ທະຫານ​ຊາວ​ຕ່າງ​ປະ​ເທດ ​ທະຫານ​ ຕໍາຫຼວດ ​ແລະ​ເຈົ້າໜ້າ​ທີ່ ອັຟກາ​ນີສ​ຖານ ​ໃນ​ການ​ທໍາ​ສົງ​ຄາມ​ກອງ​ໂຈນ​ຂອງ​ພວກ​ເຂົາ ຕໍ່ຕ້ານ​ລັດຖະບານ​ຂອງ​ທ່ານ ຮາ​ມິດ ກາຊາ​ຍ ທີ່​ໜຸນ​ຫຼັງ​ໂດຍພວກ​ປະ​ເທດ​ຕາ​ເວັນ​ຕົກ ນັ້ນ.

ມີ​ປະຊາຊົນຫຼາຍສິບຄົນ​ໄດ້​ຖືກ​ສັງຫານ​ຈາກ​ເຫດການ​ໂຈມ​ຕີຫຼາຍບັ້ນ​ໃນ ​ໄລຍະ​ບໍ່​ດົນ​ຜ່ານ​ມາ​ນີ້.

ເບິ່ງວີດີໂອ:

XS
SM
MD
LG