ລິ້ງ ສຳຫລັບເຂົ້າຫາ

ກາບູລ ເຊັນຂໍ້ຕົກລົງ ສັນຕິພາບ ກັບຂຸນເສິກ ທີ່ມີຊື່ສຽງ


ທ່ານ Amin Karim ຜູ້ຕາງໜ້າ ທ່ານ Gulbuddin Hekmatyar (ຂວາ) ແລະ ທ່ານ Attaurahman Saleem ຫົວໜ໊າເຈລະຈາ ສັນຕິພາບ.

ທ່ານ Amin Karim ຜູ້ຕາງໜ້າ ທ່ານ Gulbuddin Hekmatyar (ຂວາ) ແລະ ທ່ານ Attaurahman Saleem ຫົວໜ໊າເຈລະຈາ ສັນຕິພາບ.

ລັດຖະບານ​ສາ​ມັກ​ຄີ​ຊາດ​ອັຟກາສິ​ນຖານ ຫລັງ​ຈາກ​ຫລາຍ​ເດືອນ ​ທີ່​ມີ​ບັນຫາ​ໃນ​ການ​ເຈລະຈາ ​ໄດ້​ລົງ​ນາມ​ໃນຮ່າງ​ຂໍ້​ຕົກລົງ​ສັນຕິພາບ ​ທີ່​ໄດ້​ລ້າ​ຊ້​າມາ​ເປັນ​ເວລາ​ດົນ​ນານ ກັບ​ກຸ່ມ​ກະບົດ ທີ່​ໃຫຍ່​ສຸດ​ເປັນອັນ​ດັບສອງຂອງ​ປະ​ເທດ ທີ່​ນຳພາ​ໂດຍ​ຂຸນ​ເສິກ​ທີ່ຫລົບ​ລີ້ໜີ​ກົດໝາຍ ທີ່​ມີ​ປະຫວັດໃນ​ການກໍ່​ອາ​ຊະ​ຍາ​ກຳ​ສົງຄາມ ​ແລະ​ລະ​ເມີດ​ສິດທິ​ມະນຸດ.

ການ​ຢຸດ​ຍິງ​ຄັ້ງ​ໃໝ່​ທີ່​ລົງ​ນາມໃນ​ວັນ​ພະຫັດ​ວານ​ນີ້ ກັບ​ກຸ່ມ Hizb-Islami ມີ​ຂຶ້ນ​ທ່າມກາງ​ທີ່​ມີຄວາມ​ຫວັງ​ວ່າ ມັນ​ອາດ​ຈະຊ່ວຍຫລຸດຜ່ອນ​ບັນຫາ​ທ້າ​ທາຍໃນ​ດ້ານຄວາມ​ໝັ້ນ ທີ່ປະ​ເຊີນ​ໜ້າ​ກັບອັຟກາ​ນິສຖານ​ຢູ່​ໃ​ນ​ເວລາ​ນີ້ ​ແລະ​ຊຸກຍູ້​ໃຫ້​ບັນດາ​ກຸ່ມ​ກະບົດ​ອື່ນໆທີ່​ສູ້​ລົບ​ຄຽງ​ບ່າ​ຄຽງ​ໄຫລ່​ກັບກຸ່ມ Taliban ​ເຂົ້າມາ​ຮ່ວມຂັ້ນຕອນ ​ສັນຕິ​ພາບ.

ນີ້​ແມ່ນ​ຂໍ້​ຕົກລົງ​ສັນຕິພາບຄັ້ງທຳ​ອິດ ​ໃນຮອບ 15 ປີ​ຂອງ​ສົງຄາມ​ໃນ​ອັຟກາ​ນິສຖານ ທີ່ກຸ່ມ Taliban ​ໄດ້​ເລີ້ມຂຶ້ນ ​ຫລັງ​ຈາກ​ໄດ້ຖືກ​ຂັບ​ໄລ່​ອອກ​ໄປໂດຍກຳລັງພັນທະ​ມິດ ພາຍ​ໃຕ້ ກາ​ນນຳພາ​ສະຫະລັດ ໃນ​ປີ 2001.

ກຸ່ມ Hizb-Islami ແມ່ນນຳພາ​ໂດຍ ທ່ານ Gulbuddin Hekmatyar ຜູ້​ບັນ ຊາ​ການ​ກອງ​ໂຈນ​ມາ​ເປັນ​ເວລາ​ດົນ​ນານ ຊຶ່ງ​ກຳລັງ​ຂອງ​ທ່ານ​ ໄດ້​ສູ້​ລົບ​ຕ້ານ​ສະຫະພາບ​ໂຊ​ຫວຽດ​ໃນ ຊຸມ​ປີ 1980. ຫລັງ​ຈາກ​ນັ້ນ​ຕໍ່ມາ ທະຫານ​ຂອງ​ທ່ານກໍ​ໄດ້​ສູ້ລົບກັບ​ກຸ່ມ Taliban ​ເພື່ອເຂົ້າ ຄວບ​ຄຸມອັ​ຟກາ​ນິສຖານ ລະຫວ່າງ​ສົງຄາມ​ກາງ​ເມືອງ​ທີ່​ຮ້າຍ​ແຮງ​ໃນຊຸມ​ປີ 1990.

ທີ່​ປຶ​ກສາດ້ານ​ຄວາມ​ໝັ້ນຄົງແຫ່ງ​ຊາດອັຟກາ​ນິສຖານ ທ່ານ Hanif Atmar ​ໄດ້​ລົງ​ນາມ​ໃນ​ຂໍ້​ຕົກລົງນີ້ ​ກັບທ່ານ Karim Amin ຫົວໜ້າ​ເຈລະຈາ​ ຂອງ​ທ່ານ Hekmatyar ຢູ່​ໃນ​ພິທີ ທີ່​ມີ​ການຖ່າຍ​ທອດ​ອອກ​ອາກາດທົ່ວ​ປະ​ເທດ​.

ພວກປະທ້ວງຮ້ອງຕ້ານທ່ານ Gulbuddin Hekmatya ຜູ້ນຳພັກ Hizb-i-Islami ຢູູ່ທີ່ນະຄອນ Kabul ປະເທດ Afghanistan.

ພວກປະທ້ວງຮ້ອງຕ້ານທ່ານ Gulbuddin Hekmatya ຜູ້ນຳພັກ Hizb-i-Islami ຢູູ່ທີ່ນະຄອນ Kabul ປະເທດ Afghanistan.

​ທ່ານ Atmar ກ່າວ​ວ່າ ຂໍ້​ຕົກລົງ​ສັນຕິ​ພາບ​ ກັບ​ທ່ານ Hekmatyar ​ສະ​ແດງ​ໃຫ້​ເຫັນ​ເຖິງ​ຄວາມ​ຈິງ​ໃຈຂອງລັດຖະບານທີ່​ຈະ​ແກ້​ໄຂແລະຊອກ​ຫາ​ຊ່ອງ​ທາງ​ໃນການ​ເຈລະຈາ​ຢ່າງ​ສັນຕິ ​ເພື່ອ​ຍຸຕິ​ບັນຫາ​ຂັດ​ແຍ້​ງ​ອັຟກາ​ນິສຖານ.

ນາຍົກລັດຖະມົນຕີ ປາກິສຖານ ທ່ານ Nawaz Sharif ກ່າວຕໍ່ກອງປະຊຸມສະມັດຊາໃຫຍ່ ສະຫະປະຊາຊາດ.

ນາຍົກລັດຖະມົນຕີ ປາກິສຖານ ທ່ານ Nawaz Sharif ກ່າວຕໍ່ກອງປະຊຸມສະມັດຊາໃຫຍ່ ສະຫະປະຊາຊາດ.

ທ່ານ​ກ່າວ​ວ່າ “ພວກ​ເຮົາ​ໄດ້​ສະ​ແດງໃຫ້​ເຫັນ​ເຖິງ​ການ​ຕັດສິນ​ໃຈ​ຂອງ​ພວກ​ເຮົາ ​ແລະຂ້າ ພະ​ເຈົ້າຂໍ​ຮຽກຮ້ອງ​ຕໍ່ກຸ່ມ Taliban ວ່າມັນ​ເຖິງ​ເວລາ​ແລ້ວທີ່​ພວກທ່ານ​ ທີ່​ຈະ​ມາ​ນັ່ງ​ຢູ່​ໂຕະ ເພື່ອ​ເຈລະ​ຈາ​ສັນຕິພາບ ຖ້າ​ຫາກ​ພວກທ່ານ​ມີ​ຄວາມ​ປາດ​ຖະໜາດ້ວຍ​ຄວາມຈິງ​ໃຈ​ ​ເພື່ອ​ຍຸຕິ​ການ​ສູ້​ລົບ ​ແລະຄວາມ​ຮຸນ​ແຮງ ປ່ອຍ​ໃຫ້​ພວກເຈົ້າຫລຸດ​ພົ້ນຈາກ​ອິດ​ທິພົນ​ຂອງປາ​ກິ​ສຖານ ພວກ​ຕ່າງປະ​ເທດ ​ແລະ​ກຸ່ມ​ກໍ່​ການ ຮ້າຍ​ຕ່າງໆ ​ແລະ​ຮັບ​ເອົາ​ລັດຖະທຳ​ມະນຸ​ນ ອັຟການິສຖານ. ພວກ​ເຮົາ​ພ້ອມ​ແລ້ວ ທີ່​ຈະ​ສະ​ເໜີຕໍ່​ພວກ​ທ່ານ ​ເຊັ່ນ​ດຽວ​ກັນ​ກັບ​ການ​ຢຸດ​ຍິງທີ່​ພວກ​ເຮົາ​ໄດ້​ເຮັດ​ກັບ​ກຸ່ມ Hizeb-Islami.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG