ລິ້ງ ສຳຫລັບເຂົ້າຫາ

ກຸມກໍ່ການຮ້າຍທາລິບານ ປະຕິເສດລາຍງານ ວ່າບໍ່ໄດ້ພົບປະກັບລັດຖະບານອັຟການິສຖານ


ທະຫານອັຟການິສຖານ (ANA) ຢືນຢູ່ໃນທ່າຕໍ່ສູ້ ຢູ່ປ້ອມຍາມ Babaji ຂອງແຂວງ Lashkar Gah Helmand, Afghanistan.

ທະຫານອັຟການິສຖານ (ANA) ຢືນຢູ່ໃນທ່າຕໍ່ສູ້ ຢູ່ປ້ອມຍາມ Babaji ຂອງແຂວງ Lashkar Gah Helmand, Afghanistan.

ກຸ່ມ​ກໍ່​ການ​ຮ້າຍ Taliban ​ໄດ້ປະຕິເສດ​ວ່າ​ບໍ່​ມີ​ຄວາມ​ຈິງຕາມ​ລາຍ​ງານທີ່​ວ່າ​ມີການ​ປະຊຸມ​ລັບ​ກັບ ບັນດາ​ເຈົ້າ​ໜ້າ​ທີ່ລັດຖະບານ​ອັຟກາ​ນິສຖານ ​ເນັ້ນ​ໜັກ​ວ່າ​ບໍ່​ມີ​ການ​ປ່ຽນ​ແປງໃນ​ນະ​ໂຍບາຍ​ຂອງ​ກຸ່ມ​ໃນ​ການ​ຈັດ​ໃຫ້​ມີ​ການ​ເຈລະຈາ.

ໜັງສືພິມ The Guardian ລາຍ​ງານ​ຂ່າວພິ​ເສດທີ່​ໄດ້​ເຜີຍແຜ່​ໃນ​ວັນ​ອັງຄານ​ວານ​ນີ້ ທີ່ ອ້າງຄຳ​ເວົ້າ ​ວ່າບັນດາ​ເຈົ້າ​ໜ້າ​ທີ່ອັຟກາ​ນິສຖານຜູ້ບໍ່​ປະສົງ​ອອກ​ຊື່

ຫ້ອງການໃຍຫ່ຂອງ Taliban ທີ່ນະຄອນ Doha ປະເທດ Qatar.

ຫ້ອງການໃຍຫ່ຂອງ Taliban ທີ່ນະຄອນ Doha ປະເທດ Qatar.

​ແລ​ະ​ແຫ​ລ່ງຂ່າວ​ພາຍ​ໃນ​ກຸ່ມ Taliban ​ຢືນຢັນວ່າ​ຢ່າງ​ໜ້ອຍໄດ້ມີ​ການ​ພົບ​ປະກັນ​ສອງ​ຄັ້ງ ລະຫວ່າງ​ຄູ່​ສັດຕູ​ທັງ​ສອງ​ຝ່າຍ​ໃນ​ເດືອນ​ກັ​ນຍາ​ທີ່​ຜ່ານ​ມາ ​ແລະ​ຕົ້ນ​ເດືອນ​ຕຸລານີ້. ລາຍ​ງານນັ້ນ​ກ່າວ​ວ່າ ການ​ປະຊຸ​ມກັນໄດ້​ເກີດ​ຂຶ້ນ​ຢູ່ນະຄອນ Doha ​ເມືອງ​ເອກ​ຂອງ​ປະ​ເທດ Qatar ບ່ອນ​ທີ່​ບັນດາ​ນັກ​ເຈລະຈາ​ການ​ເມືອງ Taliban ຕັ້ງທີ່ໝັນ​ຢູ່​ທີ່ນັ້ນ.

​ແຫລ່ງຂ່າວ​ແຫ່ງ​ນຶ່ງພາຍ​ໃນ​ລັດຖະບານອັຟກາ​ນິສຖານ ​ໃນ​ນະຄອນ Kabul ກໍ​ຍັງໄດ້​ຢືນຢັນເຖິງ​ການ​ປະຊຸມ​ນີ້ເຊັ່ນ​ກັນ ​ຕໍ່ ວີ​ໂອ​ເອ ໂດຍປາດ​ສະ​ຈາກ​ການ​ແບ່ງປັນ​ລາຍ​ລະອຽດ​ໃດໆເພີ້​ມ​ເຕີມ.

ຊາວບ້ານພາກັນຢືນຫູຸ້ມເບິ່ງໄຟໄໝ້ລົດ ທີ່ຖືກໂຈມຕີຈາກເຮືອບິນ ທີ່່ບໍ່ມີຄົນຂັບຂອງ ສະຫະລັດ.

ຊາວບ້ານພາກັນຢືນຫູຸ້ມເບິ່ງໄຟໄໝ້ລົດ ທີ່ຖືກໂຈມຕີຈາກເຮືອບິນ ທີ່່ບໍ່ມີຄົນຂັບຂອງ ສະຫະລັດ.

ໂຄສົກ​ປະທານາທິບໍດີ​ອັຟກາ​ນິສຖານ ທ່ານ Dawa Khan Nenapal ບໍ່​ໄດ້​ກ່າວ​ໂດຍ​ກົງ​ກ່ຽວ​ກັບ​ການ​ປະຊຸມ​ຢູ່​ນະຄອນ Doha ແຕ່​ໄດ້​ກ່າວ​ຕໍ່ ວີ​ໂອ​ເອ ວ່າ ລັດຖະບານ​ກຳລັງ​ປະ ຕິບັດ​ “ທຸກສິ່ງ​ຢ່າງ​ທີ່​ເປັນ​ໄປ​ໄດ້” ​ໃນ​ການ​ພົວພັນ​ກັບ​ບັນດາ​ກຸ່ມ​ທີ່​ຕຽມ​ພ້ອມ​ກັບ​ການ​ສົນ ທະນາ​ສັນຕິພາບ” ​ເພື່ອ​ວ່າ​ຈະ​ສົ່ງ​ເສີມ​ສະຖຽນ​ລະ​ພາບ​ຢູ່ໃນ​ປະ​ເທດ.

ຫົວໜ້າ​ສືບ​ລັບ​ອັຟກາ​ນິສຖານ ທ່ານ Mohammad Masoon Stanekzai ລາຍ​ງານ​ວ່າ​ໄດ້​ນຳພາ​ການສົນທະນາ​ກັບ ທ່ານ Mullah Abdull Manan Akhund ອ້າຍ​ຂອງ​ຜູ້​ກໍ່​ຕັ້ງ​ກຸ່ມ Taliban ທີ່ີ​ໄດ້​ເສຍ​ຊີວິດ​ໄປ​ນັ້ນ ​ແລະ​ຜູ້ນຳ​ທີ່​ຍາວ​ນານ ທ່ານ Mullah Omar.

ພາບບັນທຶກ ທ່ານ Amin Karim ຜູ້ຕາງໜ້າທ່ານ Gulbuddin Hekmatyar, ຂວາ, ແລະ ທ່ານ Attaurahman Saleem, ຫົວໜ້າເຈລະຈາ ຫລັງຈາກການເຊັນສັນຕະພາບທີ່ ນະຄອນ Kabul ປະເທດ Afghanistan.

ພາບບັນທຶກ ທ່ານ Amin Karim ຜູ້ຕາງໜ້າທ່ານ Gulbuddin Hekmatyar, ຂວາ, ແລະ ທ່ານ Attaurahman Saleem, ຫົວໜ້າເຈລະຈາ ຫລັງຈາກການເຊັນສັນຕະພາບທີ່ ນະຄອນ Kabul ປະເທດ Afghanistan.

ໂຄສົກ​ພວກ​ຫົວ​ຮຸນ​ແຮງ​ທີ່​ສຳຄັນ ທ່ານ Zabihullah Mauahid ກ່າວ​ໃນ​ຕອນ​ແລງວັນ​ອັງຄານວານ​ນີ້​ວ່າ “ພວກ​ເຮົາ​ປະຕິ​ເສດ​ຢ່າງ​ແຂງ​ຂັນ​ເຖິງ​ລາຍ​ງານ​ກ່ຽວ​ກັບ​ການ​ປະ​ຊຸມນີ້​ ​ແລະການ​ສົນທະນາໃດໆ. ບັນດາ​ຜູ້​ຕາງໜ້າ Islamic Emirate (the Taliban) ບໍ່​ໄດ້​ພົບ​ກັບ ທ່ານ Stanekzai ຫລື​ບັນດາ​ເຈົ້າ​ໜ້າ​ທີ່​ໃດໆ​ຂອງ​ລະບອບ Kabul”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG