ບັນດາເຈົ້າໜ້າທີ່ໃນພາກເໜືອຂອງອັຟການິສຖານກ່າວວ່າ ຜູ້ວາງລະເບີດສະລະຊີບຄົນ
ນຶ່ງໄດ້ສັງຫານປະຊາຊົນຢ່າງໜ້ອຍ 6 ຄົນ ຮວມທັງເຈົ້າໜ້າທີ່ຕໍາຫລວດຄົນນຶ່ງແລະມີຜູ້
ບາດເຈັບຕື່ມອີກ 15 ຄົນ.
ທາງການອັຟການິສຖານກ່າວວ່າ ຜູ້ວາງລະເບີດສະລະຊີບໂຈມຕີຄັ້ງນີ້ມີຂຶ້ນໃນວັນອາ
ທິດມື້ນີ້ ຂະນະທີ່ພວກໄປໂບດກໍາລັງພາກັນອອກຈາກໂບດແຫ່ງນຶ່ງຫລັງຈາກທໍາການ
ໄຫວ້ວອນທາງສາສະໜາໃນແຂວງ Baghlan. ການໂຈມຕີດັ່ງກ່າວໄດ້ເກີດຂຶ້ນໃນມື້
ທໍາອິດຂອງວັນພັກບຸນEid al-Adha ເປັນເວລາ 3 ມື້ຂອງຊາວມຸສລິມ ຊຶ່ງຕາມປະເພ
ນີເປັນເວລາທີ່ພວກຜູ້ຄົນພາກັນໄປໄຫວ້ວອນໃນໂບດແລະຢູ່ກັບພວກຄອບຄົວຂອງ
ເຂົາເຈົ້າ.
ໂຄສົກກະຊວງພາຍໃນກ່າວວ່າ ມີຜູ້ວາງລະເບີດສະລະຊີບ 2 ຄົນພົວພັນໃນການວາງ
ລະເບີດໂຈມຕີດັ່ງກ່າວ ຊຶ່ງຄົນນຶ່ງໄດ້ຈູດກະນວນວັດຖຸລະເບີດຂອງຜູ້ກ່ຽວໄປແລ້ວ ແລະ
ຜູ້ທີສອງໄດ້ຖືກຈັບກຸມກ່ອນຜູ້ກ່ຽວຈະຈູດກະນວນວັດຖຸລະເບີດ.
ຍັງບໍ່ມີຜູ້ໃດອ້າງເອົາຄວາມຮັບຜິດຊອບໃນການວາງລະເບີດຄັ້ງນີ້ໂດຍທັນທີ ແຕ່ຕາມ
ທໍາມະດາຜ່ານມານັ້ນ ກຸ່ມຕາລິບັນໄດ້ແນເປົ້າໝາຍໃສ່ພວກເຈົ້າໜ້າທີ່ແລະກໍາລັງຮັກ
ສາຄວາມປອດໄພຂອງອັຟການິສຖານຕະຫລອດທັງພວກທະຫານນາໆຊາດນັ້ນ. ໃ
ນວັນສຸກຜ່ານມານີ້ ກຸ່ມຕາລີບັນໄດ້ອອກຖະແຫລງການສະບັບນຶ່ງຮຽກຮ້ອງໃຫ້ພວກ
ນັກຕໍ່ສູ້ຂອງຕົນຫລີກລ້ຽງການເຂັ່ນຂ້າພວກປະຊາຊົນພົນລະເຮືອນນັ້ນ.
ຄວາມຮຸນແຮງໃນບັນດາແຂວງໃນພາກເໜືອຂອງອັຟການິສຖານຊຶ່ງແຕ່ກ່ອນເຄີຍເປັນ
ເຂດທີ່ມີຄວາມສະຫງົບ ໄດ້ສະແດງອອກມາໃຫ້ເຫັນຫລາຍຂຶ້ນດ້ວຍການໂຈມຕີ
ຫລາຍບັ້ນຕິດຕໍ່ກັນມາໃນຫວ່າງບໍ່ເທົ່າໃດປີຜ່ານມານີ້ ຂະນະທີ່ພວກກະບົດພະຍາ
ຍາມສະແດງໃຫ້ເຫັນວ່າ ພວກເຂົາສາມາດທໍາການເຄື່ອນໄຫວນອກຂົງເຂດພາກໃຕ້
ຂອງອັຟການິສຖານນັ້ນໄດ້.
