ລິ້ງ ສຳຫລັບເຂົ້າຫາ

ADB ຄາດວ່າ ເສດຖະກິດລາວ ຈະຂະຫຍາຍຕົວ ເພີ່ມຂຶ້ນ ເຖິງ 8.1% ໃນປີນີ້

  • ຊົງຣິດ ໂພນເງິນ

ADB ຄາດວ່າ ເສດຖະກິດລາວ ຈະຂະຫຍາຍຕົວ ເພີ່ມຂຶ້ນ ເຖິງ 8.1% ໃນປີນີ້

ຮອງຜູ້ອໍານວຍການຂອງທະນາຄານພັດທະນາອາຊີ ປະຈໍາປະເທດລາວ ໃຫ້ການ ຄາດໝາຍວ່າ ເສດຖະກິດຂອງລາວໃນປີນີ້ ຈະຂະຫຍາຍຕົວເພີ່ມຂຶ້ນເຖິງ 8.1% ໂດຍເປັນຜົນຈາກການສົ່ງ ອອກໄຟຟ້າ ແລະແຮ່ທາດ.

ທ່ານ Baren Frielink ຮອງຜູ້ອໍານວຍການຂອງທະນາຄານພັດທະນາອາຊີ (ADB) ສໍານັກງານປະຈໍາປະເທດລາວ ໄດ້ຖະແຫຼງການຄາດໝາຍວ່າເສດຖະກິດຂອງລາວ ໃນ
ຕະຫຼອດປີ 2011 ນີ້ຈະມີການຂະຫຍາຍຕົວເພີ່ມຂຶ້ນໃນອັດຕາສະເລ່ຍທີ່ສູງເຖິງ 8.1% ເຊິ່ງຖືເປັນການຂະຫຍາຍຕົວທາງເສດຖະກິດທີ່ສູງກວ່າລະດັບທີ່ໄດ້ມີການຄາດໝາຍໄວ້
ກ່ອນໜ້ານີ້ໂດຍສາເຫດສໍາຄັນທີ່ເຮັດໃຫ້ເສດຖະກິດຂອງລາວມີການຂະຫຍາຍຕົວເພີ່ມ
ຂຶ້ນໃນອັດຕາທີ່ສູງດັ່ງກ່າວນີ້ ກໍຄືການສົ່ງອອກພະລັງງານໄຟຟ້າແລະແຮ່ທາດທີ່ມີມູນຄ່າ
ເພີ່ມສູງຂຶ້ນ.

ແຕ່ຢ່າງໃດກໍຕາມທ່ານ Barend Frielink ກໍໄດ້ເຕືອນວ່າເສດຖະກິດຂອງລາວໃນປີ
2012 ຈະຂະຫຍາຍຕົວໃນລະດັບທີ່ຕໍ່າກວ່າໃນປີນີ້ ເຊິ່ງຄາດໝາຍວ່າຈະມີການຂະຫຍາຍ
ຕົວເພີ່ມຂຶ້ນໃນອັດຕາສະເລ່ຍບໍ່ເກີນ 7.6% ໂດຍມີສາເຫດມາຈາກການນໍາເຂົ້າສິນຄ້າອຸບ
ປະໂພກ-ບໍລິໂພກ ແລະນໍ້າມັນເຊື້ອເພິງທີ່ມີລາຄາເພີ່ມຂຶ້ນຢ່າງຕໍ່ເນື່ອງ, ເຊິ່ງນອກຈາກຈະ
ເຮັດໃຫ້ປະຊາຊົນລາວຕ້ອງປະເຊີນກັບບັນຫາຄ່າຄອງຊີບທີ່ສູງຂຶ້ນແລ້ວກໍຍັງຈະເຮັດໃຫ້
ເກີດບັນຫາໄພເງິນເຟີ້ທີ່ອາດຈະສູງເຖິງ 8.5% ອີກດ້ວຍ.

ເຄື່ອງຈັກຂຸດຄົ້ນບໍ່ແຮ່ທີ່ໃຊ້ນໍ້າມັນຢ່າງຫລວງຫລາຍ ຊຶ່ງພາໃຫ້ມີຄວາມຕ້ອງການນໍ້າມັນເຊື້ອໄຟໃນລາວ ເພີ້ມຂຶ້ນ ອັນເປັນສາເຫດພາໃຫ້ລາຄານໍ້າມັນເພີ້ມຂຶ້ນ ເຊັ່ນດຽວກັນ
ເຄື່ອງຈັກຂຸດຄົ້ນບໍ່ແຮ່ທີ່ໃຊ້ນໍ້າມັນຢ່າງຫລວງຫລາຍ ຊຶ່ງພາໃຫ້ມີຄວາມຕ້ອງການນໍ້າມັນເຊື້ອໄຟໃນລາວ ເພີ້ມຂຶ້ນ ອັນເປັນສາເຫດພາໃຫ້ລາຄານໍ້າມັນເພີ້ມຂຶ້ນ ເຊັ່ນດຽວກັນ

ຍິ່ງໄປກວ່ານັ້ນທ່ານ Barend
Frielink ກໍຍັງໄດ້ເຕືອນດ້ວຍວ່າ
ບັນຫາທີ່ໜ້າເປັນຫ່ວງອີກຢ່າງ
ນຶ່ງກໍຄືຄວາມແຕກໂຕນກັນຂອງ
ລະດັບການພັດທະນາທາງເສດ
ຖະກິດ ແລະລາຍໄດ້ຂອງປະຊາ
ຊົນລາວໃນເຂດຕົວເມືອງກັບ
ເຂດຊົນນະບົດເພາະຖ້າຫາກວ່າ
ລັດຖະບານລາວດໍາເນີນການ
ປະຕິບັດແຜນການພັດທະນາ
ເສດຖະກິດ ແລະສັງຄົມໂດຍ
ຂາດການກະຈາຍຜົນປະໂຫຍດ
ໄປສູ່ເຂດຊົນນະບົດນັ້ນກໍຍິ່ງເຮັດ
ໃຫ້ເກີດບັນຫາແຕກໂຕນກັນຫຼາຍ
ຂຶ້ນໃນດ້ານຊີວິດການເປັນຢູ່ຂອງ
ປະຊາຊົນໃນເຂດຕົວເມືອງກັບເຂດຊົນນະບົດນັ້ນເອງ.

ຫາກແຕ່ວ່າກ່ອນໜ້ານີ້ ທ່ານ ສົມ​ສະຫວາດ ​ເລັ່ງສະ​ຫວັດ ຮອງ​ນາ​ຍົກ​ລັດຖະມົນຕີ
ຜູ້​ປະ​ຈໍາ​ການ​ລັດຖະບານ ກໍໄດ້ຖະ​ແຫຼງຢືນຢັນວ່າ ​ເປົ້າໝາຍທີ່​ສໍາຄັນ​ທີ່​ສຸດ​ຂອງ​ພັກ
ໃນ​ການ​ນໍາພາ​ປະເທດ​ໃນ​ໄລຍະ 10ປີ​ ຕໍ່​ໜ້ານີ້ ກໍ​ຄື​ການ​ເຮັດ​ໃຫ້​ປະ​ຊາ​ຊົນລາວບັນດາ
ເຜົ່າຫຼຸດພົ້ນ​ຈາກ​ຄວາມທຸກ​ຍາກ​ໃຫ້​ໄດ້​ໂດຍ​ພື້ນຖານ​ໃນ​ປີ 2015 ແລະ​ເຮັດ​ໃຫ້​ລາວ
ພົ້ນ​ຈາ​ກສະພາບ​ດ້ອຍ​ພັດທະນາ​ໃຫ້​ໄດ້​ພາຍ​ໃນ​ປີ 2020.

ທ່ານ ສົມສະຫວາດ ເລັ່ງສະຫວັດ ຮອງນາຍົກ ລັດຖະມົນຕີ ຜູ້ປະຈໍາການສໍານັກງານນາຍົກລາວ
ທ່ານ ສົມສະຫວາດ ເລັ່ງສະຫວັດ ຮອງນາຍົກ ລັດຖະມົນຕີ ຜູ້ປະຈໍາການສໍານັກງານນາຍົກລາວ

ການ​ທີ່​ຈະ​ເຮັດ​ໃຫ້​ສາ​ມາດບັນລຸ
ເປົ້າໝາຍທີ່​ວາງ​ໄວ້​ດັ່ງກ່າວ​ໄດ້
ຢ່າງ​ແທ້​ຈິງ​ນັ້ນ​ ພັກ​ກໍ​ໄດ້ກໍານົດ
ຄາດໝາຍ ທີ່​ຈະ​ຕ້ອງ​ດໍາ​ເນີນ
ການພັ​ດທະນາ​ເສດຖະກິດ​ໃຫ້
ມີ​ການ​ຂະຫຍາຍຕົວເພີ່​ມຂຶ້ນ
ຢ່າງ​ຕໍ່​ເນື່ອງ​ເພື່ອ​ເຮັດ​ໃຫ້​ລາຍ​
ໄດ້​ສະ​ເລ່ຍຂອງ​ປະຊາຊົນ​ລາວ
ເພີ່ມ​ສູງ​ຂື້ນ​ທຸກໆປີ ທັງຍັງ​ຈະ
ສ້າງ​ປັດ​ໄຈ ​ແລະ​ເງື່ອນ​ໄຂ​ຕ່າງໆ
ເພື່ອ​ຮອງ​ຮັບ​ການ​ພັດທະນາ​ປະ
ເທດ​ໄປ​ສູ່​ຄວາມ​ທັນສະ​ໄໝອີກ
ດ້ວຍ ດັ່ງທີ່ທ່ານສົມສະຫວາດ ໄດ້​ໃຫ້ການ​ຊີ້​ແຈງ​ໃນ​ຕອນນຶ່ງວ່າ:

ພວກ​ເຮົາ​ວາງ​ຈຸດໝາຍລວມຂອງ​ແຜນ​ພັດທະນາ​ເສດຖະກິດ-ສັງຄົມ 5 ປີ ຄັ້ງ​ທີ່ 7 ດັ່ງ​ນີ້​ເຮັດ​ໃຫ້​ເສດ ຖະກິດ​ແຫ່ງ​ຊາດ​ຂະຫຍາຍຕົວ​ຢ່າງ​ຕໍ່​ເນື່ອງ ​ແລະໝັ້ນທ່ຽງ ​ເຖິງ​ປີ 2015 ລວມຍອດ​ມູນ​ຄ່າ​ຜະ​ລິດ​ຕະພັນ​ລວມພາຍ​ໃນ​ໄລ່​ສະ​ເລ່ຍຕໍ່​ຫົວ​ຄົນ​ໄດ້ 1,700 ໂດລາ ບັນລຸ​ເປົ້າໝາຍສະຫັດສະຫວັດດ້ານ​ການ​ພັດທະນາ​ສ້າງ​ພື້ນຖານ​ເທັກ​ນິກອັນ​ຈໍາ​ ເປັນ​ເພື່ອ​ເອົາ​ປະ​ເທດ​ເຮົາຫຼຸດພົ້ນ​ອອກ​ຈາກ​ສະຖານະ​ພາບ​ປະ​ເທດ​ດ້ອຍ​ ພັດທະນາ​ໃນ​ປີ 2020”.

ຕາຂ່າຍໄຟຟ້າທີ່ນໍາກະແສໄຟຟ້າ ສົ່ງອອກໄປຂາຍທີ່ໄທ
ຕາຂ່າຍໄຟຟ້າທີ່ນໍາກະແສໄຟຟ້າ ສົ່ງອອກໄປຂາຍທີ່ໄທ

ອີ​ງຕາມ​ມະຕິກອງປະຊຸມ
ໃຫຍ່ຄັ້ງທີ 9 ຂອງພັກທີ່​
ດໍາ​ເນີນ​ການ​ປະຊຸມ​ໃນ
ລະຫວ່າງວັນທີ 17-21
ມີນາ 2011 ທີ່​ຜ່ານ​ມາ
ນັ້ນ ພັກ​ໄດ້​ວາງ​ເປົ້າໝາຍ
ທີ່ຈະພັດທະນາເສດຖະ
ກິດໃນ​ໄລຍະແຕ່ 2011
-2015 ​ໃຫ້​ຂະຫຍາຍ
ຕົວ​ໃນ​ອັດຕາ​ສະ​ເລ່ຍບໍ່
ຫລຸດ 8% ຕໍ່ປີຊຶ່ງຈະເປັນ
ຜົນເຮັດໃຫ້ຍອດຜະລິດຕະພັນລວມພາຍໃນປະ​ເທດຫລື GDP ຂອງ​ລາວ​ມີມູນຄ່າ
ລວມທີ່​ສາມາດສະເລ່ຍເປັນລາຍຮັບຂອງປະຊາຊົນລາວໄດ້ ​ໃນ​ລະດັບ​ສູງ​ຂຶ້ນ​ເປັນ​ເຖິງ
1,700 ໂດລາຕໍ່ຄົນຕໍ່ປີ ​ໃນ​ປີ 2015 ທັງ​ຍັງ​ຈະ​ເຮັດ​ໃຫ້​ອັດຕາ​ຄວາມຍາກຈົນຂອງປະຊາ
ຊົນລາວ​ຫລຸດລົງເຫລືອຢູ່ບໍ່​ເກີນ 10% ຂອງ​ຈຳນວນ​ປະຊາກອນ​ທັງໝົດໃນ​ປີ 2015
ອີກ​ດ້ວຍ.

XS
SM
MD
LG