ລິ້ງ ສຳຫລັບເຂົ້າຫາ

ພວກ​ຕໍ່ສູ້​ຊາວເຄີດ ​ແລະ ພວກຕໍ່ຕ້ານລັດຖະບານ ໃນ​ຊີ​ເຣຍ ຢຶດເອົາເມືອງ Tal Abyad


ຮູບພາບນີ້ ຖ່າຍຈາກຟາກເຂດຊາຍແດນ ໃນເມືອງ Akcakale ຢູ່ທາງພາກຕາເວັນອອກສຽງໃຕ້ ຂອງເທີກີ ລະຫວ່າງ ຊີເຣຍ ຊຶ່ງແນມເຫັນທຸງ ຂອງໜ່ວຍປົກປ້ອງ ປະຊາຊົນຊາວເຄີດ ຫຼື YPG, ພັດປິວ ຢູ່ໃນເມືອງ Tal Abyad ປະເທດຊີເຣຍ, ວັນທີ 16 ມີຖຸນາ 2015.

ຮູບພາບນີ້ ຖ່າຍຈາກຟາກເຂດຊາຍແດນ ໃນເມືອງ Akcakale ຢູ່ທາງພາກຕາເວັນອອກສຽງໃຕ້ ຂອງເທີກີ ລະຫວ່າງ ຊີເຣຍ ຊຶ່ງແນມເຫັນທຸງ ຂອງໜ່ວຍປົກປ້ອງ ປະຊາຊົນຊາວເຄີດ ຫຼື YPG, ພັດປິວ ຢູ່ໃນເມືອງ Tal Abyad ປະເທດຊີເຣຍ, ວັນທີ 16 ມີຖຸນາ 2015.

ບັນດາ​ນັກ​ເຄື່ອນ​ໄຫວ ກ່າວ​ວ່າ ພວກ​ນັກ​ຕໍ່ສູ້​ຊາວ Kurd ​ແລະ
ພວກ​ຕໍ່ຕ້ານລັດຖະບານ​ຊີ​ເຣຍ​ ໄດ້ເຂົ້າຄວບຄຸມເມືອງ Tal
Abyad ຊຶ່ງເປັນ ເມືອງຊາຍແດນສຳຄັນ ຢ່າງເຕັມທີ່ແລ້ວ ໃນ
ວັນ​ອັງຄານ​ມື້​ນີ້ ຫຼັງຈາກ​ທີ່​ໄດ້ຂັບ​ໄ​ລ່ ພວກ​ນັກ​ຕໍ່ສູ້​ ຂອງກຸ່ມລັດ​
ອິສລາມ​ອອກ​ໄປ.

ກຸ່ມ​ສິ້ງຊອມສິດທິມະນຸດໃນຊີ​ເຣຍ ກ່າວ​ວ່າ ພວກ​ຫົວ​ຮຸນ​ແຮງ ​
ໄດ້ຫລົບ​ໜີໄປຍັງບ້ານຕ່າງໆ ຢູ່ທາງ​ໃຕ້ ແລະ ທາງຕາ​ເວັນ​ຕົກ
​ຂອງ​ເມືອງ​ດັ່ງກ່າວ ​ແລະວ່າ ໄດ້ມີການຝັງ ລະ​ເບີດ​ຝັງ​ດິນໄວ້
ເປັນຈຳນວນ​ຫລວງຫລາຍ ຢູ່​ໃນ​ເມືອງ Tal Abyad.

ການ​ຢຶດ​ເອົາເມືອງ​ດັ່ງກ່າວ ຊຶ່ງຕັ້ງຢູ່​ຕິດ​ກັບ​ຊາຍ​ແດນເທີ​ກີນີ້ ແມ່ນໄດ້ ຕັດຂາດເສັ້ນທາງ​
ລຳ​ລຽງ ​ຂອງ​ພວກ​ຫົວ​ຮຸນ​ແຮງ ໄປ​ຍັງ​ເມືອງ Raqqa ຊຶ່ງເປັນຖານປະຕິບັດງານໃຫຍ່ ຂອງ
ພວກເຂົາເຈົ້າ ທີ່​ຕັ້ງຢູ່​ປະ​ມານ 100 ກິ​ໂ​ລ​ແມັດ​ ໄປທາງ​ທິດ​ໃຕ້​ນັ້ນ. ພວກ​ຫົວ​ຮຸນ​ແຮງ ​ໄດ້​
ໃຊ້​ເສັ້ນທາງ​ດັ່ງກ່າວ​ ເພື່ອ​ລັກລອບຂົນອາວຸດ ​ແລະ ພວກ​ນັກ​ຕໍ່ສູ້​ ​ເຂົ້າ​ໄປ​ໃນ​ຊີ​ເຣຍ ​ແລະ
​ເພື່ອ​ໃຫ້ໄດ້ຮັບແຫຼ່ງທຶນສຳຄັນ ຈາກ​ການ​ຂາຍ​ນ້ຳມັນ​ໃນ​ຕະຫລາດ ​ທີ່ຜິດ​ກົດໝາຍ.

ການ​ຕໍ່ສູ້​ກັນ ​ໃນ​ບໍລິ​ເວນ​ດັ່ງກ່າວ ​ໄດ້​ສົ່ງ​ຜົນເຮັດ​ໃຫ້​ພົນລະເຮືອນ ຊາວຊີ​ເຣຍ ຫຼາຍພັນ​ຄົນ
ພາກັນຫລົບ​ໜີຂ້າມ​ຊາຍ​ແດນ ​ໄປ​ຫາ​ບ່ອນ​ທີ່​ປອດ​ໄພ ​ໃນ​ປະ​ເທດ​ເທີ​ກີ.

​ບັນດາ​ເຈົ້າໜ້າ​ທີ່​ເທີ​ກີ ​ແມ່ນ​ມີ​ຄວາມ​ເປັນ​ຫ່ວງ ກ່ຽວ​ກັບການ​ເພີ້​ມ ບັນຫາ ອັນຮ້າຍ​ແຮງ
ດ້ານອົບພະຍົບ ທີ່​ມີຢູ່​ແລ້ວນັ້ນ ແລະ ຈະສ້າງກຳລັງ​ໃຈ​ໃຫ້​ແກ່ ​ພວກ​ທະຫານ​ບ້ານ​ຊາວເຄີ​ດ ແລະ ເສີມກຳລັງຄວາມຮູ້ສຶກ ໃນ​ການ​ແບ່ງ​ແຍກ​ດິນ​ແດນ ຂອງ​ຊາວ​ເຄີ​ດຊຶ່ງເປັນຊົນ​ກຸ່ມ​ນ້ອຍ ຢູ່​ໃນ​ ​ເທີ​ກີ.

​ໃນ​ຂະນະ​ດຽວ​ກັນ ທ່ານ Steffan de Mistura ທູດ​ພິ​ເສດອົງການ ສະຫະ​ປະຊາ​ຊາດ ​
ແມ່ນ​ພວມ​ຢູ່​ໃນ​ນະຄອນ Damascus ​ເພື່ອ​ພົບ​ປະ​ກັບ​ບັນດາ​ເຈົ້າໜ້າ​ທີ່​ ລັດຖະບານ​
ຊີ​ເຣຍ ​ໃນ​ຄວາມ​ພະຍາຍາມ ​ເພື່ອ​ບັນລຸ​ຂໍ້​ຕົກລົງ​ຢຸດ​ຍິງ ໃນສົງຄາມ​ກາງ​ເມືອງ​ຢູ່​ໃນຊີ​ເຣຍ.
ທ່ານ​ມີແຜນ ​ທີ່​ຈະ​ເນັ້ນໜັກວ່າ ລັດຖະບານ​ຊີ​ເຣຍ ມີໜ້າ​ທີ່​ປົກ​ປ້ອງ​ພົນ​ລະ​ເຮືອນ ​ແລະ ວ່າ
ການນຳ​ໃຊ້ອາວຸດ​ຕ່າງໆ​ເຊັ່ນ ພວກລະ​ເບີດ​ຖັງ ໃນ​ບໍລິ​ເວນ​ພົນລະ​ເຮືອນຕ່າງໆນັ້ນ ຕ້ອງ
​ຢຸດຕິທັນທີ.

XS
SM
MD
LG