ຜູ້ສະມັກເປັນ ປະທານາທິບໍດີ ອັຟການິສຖານ ທ່ານ Abdullah
Abdullah ໄດ້ຖອນໂຕອອກຈາກການກວດກາ ພາຍໃຕ້ການ
ກຳກັບຂອງອົງການສະຫະປະຊາຊາດກ່ຽວກັບການນັບຄະແນນສຽງການເລືອກຕັ້ງປະທານາທິບໍດີຮອບ ສອງ ທີ່ເປັນບັນຫາຖົກ
ຖຽງໂຕ້ແຍ້ງ ເມື່ອເດືອນມິຖຸນາຜ່ານມາ.
ການເຄື່ອນໄຫວ ຊຶ່ງລາຍງານໂດຍໂຄສົກຂອງທ່ານ Abdullah
ແລະເຈົ້າໜ້າທີ່ສະຫະປະຊາຊາດໃນວັນພຸດມື້ນີ້ີ ຍິ່ງເຮັດໃຫ້ເກີດ
ຄວາມສັບສົນຂຶ້ນຕື່ມກ່ຽວກັບ ການໂອນອຳນາດທາງການເມືອງ
ທີ່ເຄັງຕຶງຢູ່ແລ້ວນັ້ນ ຂອງອັຟການິສຖານ.
ຄະນະຂອງທ່ານ Abdullah ໄດ້ຈົ່ມວ່າ ກ່ຽວກັບບັນດາຜູ້ກວດກາ
ທີ່ບໍ່ຍອມໂຍນຖີ້ມ ບັດທີ່ສົງໄສວ່າເປັນການສໍ້ໂກງ ໂດຍຮ້ອງຂັ້ນ
ຕອນນັ້ນວ່າ ເປັນເລື້ອງ “ຕະລົກ.”
ບັນດາຜູ້ກວດກາກຳລັງຢູ່ໃນຂັ້ນສຸດທ້າຍ ຂອງການກວດສອບການປ່ອນບັດລົງ ຄະ
ແນນສຽງຂອງແປດລ້ານຄົນໃນລະຫວ່າງການເລືອກຕັ້ງປະທານາທິບໍດີຮອບສອງເມື່ອ
ວັນທີ 14 ເດືອນມິຖຸນາ ລະຫວ່າງທ່ານ Abdullah ແລະ ທ່ານ Ashraf Ghani. ເຖິງ
ແມ່ນວ່າການນັບບັດຄະແນນສຽງໃນຂັ້ນຕົ້ນ ໄດ້ສະແດງໃຫ້ເຫັນວ່າ ທ່ານ Ghani ມີ
ຄະແນນນຳໜ້າທ່ານ Abdullah ຢ່າງຫຼວງຫຼາຍກໍຈິງ ແຕ່ທັງສອງຕ່າງກໍອ້າງວ່າ ຕົນເປັນ
ຜູ້ຊະນະການເລືອກຕັ້ງ.
ໃນວັນຈັນທີ່ຜ່ານມາ ຄະນະກຳມະການເລືອກຕັ້ງ ໄດ້ປະກາດຜົນຢ່າງນ້ອຍຈາກ 72
ໜ່ວຍປ່ອນບັດຂອງປະເທດ ຄືເກືອບ 4,000 ຫີບບັດ ຖືກປະກາດໃຫ້ເປັນໂມຄະ.
ການກວດສອບນີ້ ເປັນພາກສ່ວນຂອງການຕົກລົງ ທີ່ໄກ່ເກ່ຍ ໂດຍລັດຖະມົນຕີ ຕ່າງ
ປະເທດສະຫະລັດ ທ່ານ John Kerry ແລະຄວບຄຸມດູແລໂດຍອົງການ ສະຫະປະຊາ
ຊາດ. ວໍຊິງຕັນຫວັງວ່າ ຂັ້ນຕອນດັ່ງກ່າວຈະສຳເລັດລົງ ແລະການເຂົ້າຮັບຕຳແໜ່ງ
ຂອງປະທານາທິບໍດີຄົນໃໝ່ ຈະເລີ້ມຂຶ້ນໃນທ້າຍເດືອນນີ້.
ໂຄສົກຂອງທ່ານ Abdullah ກ່າວຕໍ່ອົງການຂ່າວຝຣັ່ງ ໃນວັນພຸດມື້ນີ້ວ່າ ການເຈລະຈາ
ຍັງດຳເນີນຢູ່ຕໍ່ໄປ ກັບສະຫະປະຊາຊາດ ແຕ່ທ່ານກ່າວວ່າ ຖ້າຫາກວ່າບໍ່ສາມາດບັນລຸ
ການຕົກລົງກັນແລ້ວ “ນີ້ແມ່ນການສີ້ນສຸດລົງ.”
