ລິ້ງ ສຳຫລັບເຂົ້າຫາ

ທ່ານ Abdullah ກ່າວວ່າ ອັຟກາ​ນິສຖານ ​ແລະ ສະຫະລັດ ​​ເລີ້ມ​ຕົ້ນ “ບົດຕອນ​ໃໝ່” ໃນສາຍພົວພັນ


ຫົວໜ້າບໍລິຫານຂອງອັຟກາ​ນິສຖານ ທ່ານ Abdullah Abdullah ກ່າວຖະແຫລງ ຂະນະທີ່ ລມຕ ​ຕ່າງປະ​ເທດ ທ່ານ John Kerry (ຂວາ) ແລະ ປ. Ashraf Ghani (ຊ້າຍ) ຢືນຟັງ ໃນລະຫວ່າງການຕ້ອນຮັບລ້ຽງອາຫານຄ່ຳທີ່ ກະຊວງການຕ່າງປະເທດໃນນະຄອນຫລວງ ວໍຊິຕັນ, ເມື່ອວັນອັງຄານ ທີ 24 ມີນາ 2015.

ຫົວໜ້າບໍລິຫານຂອງອັຟກາ​ນິສຖານ ທ່ານ Abdullah Abdullah ກ່າວຖະແຫລງ ຂະນະທີ່ ລມຕ ​ຕ່າງປະ​ເທດ ທ່ານ John Kerry (ຂວາ) ແລະ ປ. Ashraf Ghani (ຊ້າຍ) ຢືນຟັງ ໃນລະຫວ່າງການຕ້ອນຮັບລ້ຽງອາຫານຄ່ຳທີ່ ກະຊວງການຕ່າງປະເທດໃນນະຄອນຫລວງ ວໍຊິຕັນ, ເມື່ອວັນອັງຄານ ທີ 24 ມີນາ 2015.

ຫົວໜ້າບໍລິຫານຂອງອັຟກາ​ນິສຖານ ທ່ານ Abdullah Abdulla
ກ່າວ​ວ່າ ອັຟກາ​ນິສຖານ ​ແລະສະຫະລັດ ​ໄດ້​ເລີ້ມ​ຕົ້ນ “ບົດຕອນ​
ໃໝ່”
​ ໃນ​ສາຍ​ພົວພັນ​ລະຫວ່າງ​ກັນ ຂະນະ​ທີ່​ທ່ານ ​ແລະ ປະທານາ
ທິບໍດີ Ashraf Ghani ສືບ​ຕໍ່​ການ​ຢ້ຽມ​ຢາມສະຫະລັດ​ຄັ້ງທຳ​ອິດ
ນັບຕັ້ງ​ແຕ່ ​ໄດ້​ມີ​ການຈັດຕັ້ງລັດຖະບານ​ທີ່ຄອງ​ອຳນາດ​ຮ່ວມ​ກັນ.

​ຜູ້ນຳທັງ​ສອງ ​ໄດ້​ພົບ​ປະກັບປະທານາທິບໍດີ ບາຣັກ ​ໂອ​ບາ​ມາ
ລັດຖະມົນຕີ​ຕ່າງປະ​ເທດ ທ່ານ John Kerry ​ແລະ ບັນດາ​
ເຈົ້າໜ້າ​ທີ່​ລະດັບ​ສູງ ​ໃນ​ອັນ​ທີ່​ ທ່ານ Abdullah ​ໄດ້​ບັນ​ລະ​ຍາຍ
​ວ່າ ​ເປັນ​ການ​ປຶກສາ​ຫາລື​ກັນ ໃນຂອບເຂດທີ່ກວ້າງຂວາງ ​
ທີ່​ວໍ​ຊິງ​ຕັນ.

ທ່ານ Abdullah ກ່າວຕໍ່ ລາຍການ​ TV Ashna ຂອງ​ວີ​ໂອ​ເອ ​ໃນ​ວັນ​ພຸດ​ວານ​ນີ້ ວ່າ
“ມັນ​ເປັນເຫດການ​ທີ່​ພິເສດ ​ແລະ ມັນ​ຈະ​ມີ​ຜົນດີ ເປັນ​ຜົນອັນ​ຍາວ​ນານ ຕໍ່ການ​
ສືບ​ຕໍ່ ໃນສາຍສຳພັນ​ອັນດີງາມລະຫວ່າງ ​ທັງ​ສອງ​ປະ​ເທດ.”

ທັດສະນະໃນ​ແງ່​ດີດັ່ງກ່າວ ​ແມ່ນ​ເປັນ​ຂີດ​ໝາຍ​ໃນທາງກົງກັນຂ້າມກັບ ​ການ​ພົວພັນ​ລະຫວ່າງບັນດາເຈົ້າໜ້າ​ທີ່ສະຫະລັດ ​ແລະ ອະດີດ​ປະທານາທິບໍດີ​ອັຟກາ​ນິສຖານ ທ່ານ Hamid Karzia ທີ່​ສ່ວນຫຼາຍ​ແລ້ວ ​ແມ່ນ​ຕຶງ​ຄຽດຢູ່​ສະ​ເໝີ.

ທ່ານ Abdullah ກ່າວ​ວ່າ​ ​ໃນ​ເວລາ​ທີ່​ທ່ານ ​ແລະ ທ່ານ Ghani ​ໄດ້​ເຂົ້າຮັບ​ຕຳ​ແໜ່​ງ ​ເມື່ອ
​ເດືອນ​ກັນຍາຜ່ານ​ມາ “ຄວາມ​ຫວັງ​ໃໝ່​ໆ ​ໄດ້​ເກີດ​ຂຶ້ນ” ທັງສຳ​ຫລັບ “ປະຊາຊົນ​
ອັຟກາ​ນິສຖານ ​ແລະ ບັນດາປະເທດ​ພາຄີ​ໃນ​ທົ່ວ​ໂລກ.”

XS
SM
MD
LG