ລິ້ງ ສຳຫລັບເຂົ້າຫາ

ອາທິດ ໃນການໄວ້ອາໄລ ແກ່ທ່ານ Castro ເລີ້ມຂຶ້ນ ໃນປະເທດຄິວບາ


ແມ່ຍິງຄົນນຶ່ງເສັດນໍ້າຕາ ໃນຂະນະທີ່ໄວ້ອາໄລແກ່ມື້ລາງຜູ້ນຳ ທ່ານ Fidel Castro ຢູ່ຈະຕຸລັດປະຕິວັດ ທີ່ນະຄອນ Havana ປະເທດ Cuba.

ແມ່ຍິງຄົນນຶ່ງເສັດນໍ້າຕາ ໃນຂະນະທີ່ໄວ້ອາໄລແກ່ມື້ລາງຜູ້ນຳ ທ່ານ Fidel Castro ຢູ່ຈະຕຸລັດປະຕິວັດ ທີ່ນະຄອນ Havana ປະເທດ Cuba.

ຊາວ​ຄິວ​ບາ​ໄດ້​ພາກັນ​ລຽນ​ແຖວກັນ ​ໃນ​ວັ​ນຈັນ​ວານ​ນີ້ ​ເພື່ອໄປສະ​ແດງ​ຄວາມ​ເຄົາລົບ​ຕໍ່ ທ່ານ Fidel Castro ຢູ່​ທີ່​ຈະ​ຕຸ​ລັດ​ປະຕິວັດ​ ໃນ​ນະຄອນ Havana ​ໃນ​ຂະນະ​ທີ່​ປ​ະ​ເທດ​ດັ່ງກ່າວເລີ້ມ​ໄວ້ອາ​ໄລ​ເປັນ​ເວລາ​ນຶ່ງ​ອາທິດ ​ໃນ​ການ​ສັ່ງ​ລາ​ ຕໍ່ຜູ້ນຳປະຕິວັດ​ຂອງ​ປະ​ເທດ​ເກາະດອນ ຊຶ່ງ​ເປັນ​ບຸກຄົນ​ທີ່​ຫລາຍໆ​ຄົນ ​ພາກັນ​ຮັກຫ​ອມແລະ​ຫລາຍໆ​ຄົນກໍ​ບໍ່ພໍ​ໃຈ​ນຳ ນັ້ນ.

ພວກນັກສຶກສາພາກັນຢືນໄວ້ອາໄລ ຖືຮູບຂອງທ່ານ Fidel Castro ທີ່ມະຫາວິທະຍາໄລ ບ່ອນທີ່ທ່ານ Castro ສຶກສາດ້ານກົດໝາຍໃນເວລາທີ່ເປັນຊາວໜຸ່ມ.

ພວກນັກສຶກສາພາກັນຢືນໄວ້ອາໄລ ຖືຮູບຂອງທ່ານ Fidel Castro ທີ່ມະຫາວິທະຍາໄລ ບ່ອນທີ່ທ່ານ Castro ສຶກສາດ້ານກົດໝາຍໃນເວລາທີ່ເປັນຊາວໜຸ່ມ.

ພິທີ​ໄວ້ອາ​ໄລ​ໄດ້​ເລີ້ມ​ຂຶ້ນໃນ​ຕອນ​ເຊົ້າ​ວັນ​ຈັນ​ວານ​ນີ້ ຫລັງ​ຈາກໄດ້​ມີ​ການ​ຍິງ​ປືນ​ໃຫຍ່ 21 ນັດຕິດ​ຕໍ່​ກັນ​ເພື່ອ​ສະ​ແດງ​ຄວາມ​ເຄົາລົບ ຢູ່​ທີ່ນະຄອນຫລວງ ​ແລະ​ຢູ່​ ​ທີ່ເມືອງ Santiago ​ໃນພາກ​ຕາ​ເວັນ​ອອກ​ ບ່ອນ​ທີ່​ທ່ານ Castro ​ໄດ້​ເລີ້ມ​ການ​ປະຕິ​ວັດ​ຂອງຄິວ​ບາ ​ໃນ​ປີ 1953.

ທ່ານ Castro ອາຍຸ 90 ປີ ​ໄດ້​ເຖິງ​ແກ່​ມໍລະນະ​ກຳ​ໃນ​ວັນ​ສຸກ​ທີ່​ຜ່ານ​ມາ ຫລັງ​ຈາກ​ບໍ່​ສະບາຍ​ມາ​ເປັນ​ເວລາ​ນານ. ສາ​ເຫດ​ຂອງການ​ເສຍ​ຊີວິດ​ຍັງ​ບໍ່​ທັນ​ໄດ້​ປະ ກາດ​ໃຫ້​ຊາບ​ເທື່ອ.

ທ່ານ Castro ​ໄດ້​ຖືກ​ເຜົາ​ໃນ​ວັນ​ເສົາ​ແລ້ວ​ນີ້ ​ແລະ​ໄດ້​ປະກາດ​ໄວ້ອາ​ໄລ​ເປັນ​ເວລາ​ເກົ້າ​ມື້.

ຂີ້​ເທົ່າ​ສົບ​ຂອງ​ທ່ານ​ຈະ​ຖືກນຳ​ໄປ​ຝັງ​ໃນ​ວັນ​ອາທິດ​ຈະມານີ້ ທີ່​ເມືອງ Santiago de Cuba ຢູ່ທາງ​ພາກຕາ​ເວັນ​ອອກສຽງ​ໃຕ້​ຂອງປະ​ເທດ.

ບັນດາສະມາຊິກປະຊາຄົມຄິວບາ ພາກັນສະຫລອງຕໍ່ການເສຍຊີວິດຂອງ ທ່ານ Fidel Castro ຢູ່ຕໍ່ໜ້າຮ້ານອາຫານ Versailles ຢູ່ທີ່ຄຸ້ມບ້ານ Little Havana ໃນນະຄອນ Miami.

ບັນດາສະມາຊິກປະຊາຄົມຄິວບາ ພາກັນສະຫລອງຕໍ່ການເສຍຊີວິດຂອງ ທ່ານ Fidel Castro ຢູ່ຕໍ່ໜ້າຮ້ານອາຫານ Versailles ຢູ່ທີ່ຄຸ້ມບ້ານ Little Havana ໃນນະຄອນ Miami.

ອ່ານຂ່າວນີ້ເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG