ສະພາຕໍ່າຊຸດໃໝ່ຂອງສະຫະລັດ ມີຫລາກຫລາຍເຊື້ອຊາດ ກ່ວາທີ່ຜ່ານມາ
ສະມາຊິກໃໝ່ຂອງລັດຖະສະພາສະຫະລັດ ກໍຄືພວກຜູ້ແທນທີ່ຖືກເລືອກຕັ້ງໃໝ່ ທີ່ຈະເຂົ້າມາຮັບຕໍາແໜ່ງເປັນເທື່ອທໍາອິດໃນເດືອນ ມັງກອນນີ້ ແມ່ນປະກອບດ້ວຍຫຼາກຫຼາຍເຊື້ອຊາດ ກ່ວາຊຸດຜ່ານໆມາ ໃນປະວັດສາດຂອງ ສະຫະລັດ. ຄວາມຈິງແລ້ວ ໃນຈໍານວນຜູ້ແທນ ສະພາຕໍ່າຈາກພັກເດໂມແຄຣທ 200 ຄົນນັ້ນ ປາກົດວ່າ ສະຕີແລະ ກຸ່ມຊົນສ່ວນນ້ອຍ ມີຈໍານວນລື່ນຜູ້ຊາຍຜິວຂາວທີ່ບໍ່ແມ່ນກະເທີຍ. ຜູ້ສື່ຂ່າວວີໂອເອ Carolyn Presutti ຈະແນະນໍາໃຫ້ພວກເຮົາໄດ້ ຮູ້ຈັກກັບຜູ້ແທນສອງສາມຄົນ ທີ່ກໍາລັງສ້າງປະວັດສາດຢູ່ໃນສະພາ ຄອງແກຣສ ແລະສະທ້ອນໃຫ້ເຫັນໄດ້ດີຂຶ້ນ ບັນດາປະຊາຊົນທີ່ ອາໄສ ຢູ່ໃນສະຫະລັດ.